ආසියානු කුසලාන කාන්තා විස්සයි විස්ස ක්රිකට් තරගාවලියේ අවසන් පූර්ව වටයට සුදුසුකම් ලබා ගැනීමට ශ්රී ලංකා කාන්තා කණ්ඩායම සමත් වුණා. ඒ, බංග්ලාදේශ කාන්තා කණ්ඩායම සමග ඊයේ රාත්රීයේ පැවති තරගයෙන් කඩුලු 4ක ජයක් හිමිකර ගනිමින්.
ඩුබායි ජාත්යන්තර ක්රිකට් ක්රීඩාංගණයේ පැවති තරගයේ, කාසියේ වාසිය දිනූ ශ්රී ලංකා කණ්ඩායමේ ආරාධනයෙන් පළමුව පන්දුවට පහර දුන් බංග්ලාදේශ කණ්ඩායමට නියමිත පන්දුවාර 20 අවසානයේ කඩුලු 8ක් දැවී ලබා ගත හැකි වුණේ ලකුණු 114ක් පමණයි.
පිළිතුරු ඉනිම ක්රීඩා කළ ශ්රී ලංකා කණ්ඩායම පන්දුවාර 19යි පන්දු 2ක් තුළ කඩුලු 6ක් දැවී ලකුණු 115ක් ලබාගෙන තරගයේ ජය හිමිකර ගත්තා. එහිදී ශ්රී ලංකා කණ්ඩායම ජයග්රහණය කරා රැගෙන ගිය හර්ෂිතා සමරවික්රම පන්දු 37කදී නොදැවී ලකුණු 48ක් ලබා ගත්තා. මෙම ජයග්රහණයත් සමග ආසියානු කුසලාන කාන්තා විස්සයි විස්ස ක්රිකට් තරගාවලියේ මූලික වටයේ “බී” කාණ්ඩයේ ප්රසාද ලකුණු සටහනේ පෙරමුණ ගැනීමට ශ්රී ලංකා කාන්තා කණ්ඩායම සමත් වුණා. ඒ අනුව ශ්රී ලංකා කණ්ඩායම එළඹෙන 11 වනදා පැවැත්වෙන දෙවන අවසන් පූර්ව තරගය සදහා එක්වීමට නියමිතයි.
