දුම්රිය වෘත්තීය සමිති ආරම්භ කළ සංකේත වැඩවර්ජනය අද දිනයේදීත් ක්රියාත්මක බව දුම්රිය ස්ථානාධිපතිවරුන්ගේ සංගමය පවසනවා. එම සංගමයේ සභාපති සුමේධ සෝමරත්න මහතා පැවසුවේ, ඊයේ ආරම්භ කළ වෘත්තීය ක්රියාමාර්ගය අද මධ්යම රාත්රී 12 දක්වා ක්රියාත්මක කරන බවයි. දුම්රිය දෙපාර්තමේන්තුවේ පවතින අකාර්යක්ෂමතාවන් සම්බන්ධයෙන් කරුණු ඉදිරිපත් කළද, ඒ සඳහා නිසි ප්රතිචාරයක් නොලැබීම හේතුවෙන් මෙම වෘත්තීය ක්රියාමාර්ගය ගත් බව ඒ මහතා වැඩිදුරටත් සඳහන් කළා.
