අධික වැසි හේතුවෙන් ඉන්දියාවේ හිමාචල් ප්‍රදේශ් හි මියගිය සංඛ්‍යාව 74 දෙනෙකු දක්වා ඉහළ ගොස් ඇති බවට එරට ආපදා අංශය පවසනවා.
හිමාචල් ප්‍රදේශ් හි නායයාම් තුනක් සිදුවූ අතර ශිම්ලාහි ශිව කෝවිල ද ඊට ගොදුරුවී තිබෙනවා.
කඩාවැටුණු කෝවිලේ සුන්බුන් අතර තිබී මළ සිරුරු කීපයක් සොයා ගැණුනා.
මෝසම් වර්ෂාව ආරම්භ වී දින 55ක් තුළ ප්‍රාන්තය පුරා නායයාම් 113ක් සිදුව තිබෙනවා. ඉන්දීය රුපියල් කෝටි දසදහසක පමණ හානියක් සිදුවී ඇති බවටයි එරට මාධ්‍ය වාර්තා කරන්නේ.
