රතු මුහුද හරහා ගමන් කරමින් තිබූ සවුදි බොරතෙල් රැගත් නැව් කිහිපයක්ම සිය ගමන් මාර්ග වෙනස් කර ආපසු හැරීමට පියවර ගෙන තිබෙනවා. ඒ, යේමනයේ ඉරාන හිතවාදී සන්නද්ධ කණ්ඩායම විසින් සවුදි අරාබියට එරෙහිව නාවික තහනමක් ප්රකාශයට පත් කිරීම හේතුවෙන්. සවුදි අරාබියේ වරායයන් වෙත පැමිණෙන හෝ ඉන් පිටත්වන නෞකාවන්ට ප්රහාර එල්ල කරන බවට එම සන්නද්ධ කණ්ඩායම විසින් නිල වශයෙන් තර්ජනය කර තිබෙනවා. ඒ අනුව රතු මුහුදේ ගමන් කරමින් තිබූ සවුදි ඉන්දන නැව් දෙකකට මිසයිල සහ ඩ්රෝන ප්රහාර එල්ල කළ බවයි සන්නද්ධ කණ්ඩායම් ප්රකාශ කර ඇත්තේ. මෙම තර්ජනය හමුවේ චීනය සහ ඉන්දියාව ඇතුළු ආසියානු රටවල් වෙත සවුදි බොරතෙල් ප්රවාහනය කරමින් තිබූ ප්රධාන තෙල් නැව් කිහිපයක්ම, ආපසු හැරී ගමන් කිරීමට පටන් ගෙන තිබෙනවා. මෙම ප්රහාර සහ සම්බාධක ගෝලීය තෙල් වෙළඳපොළට සහ බලශක්ති සැපයුමට දැඩි බලපෑමක් එල්ල කරනු ඇති බවයි විදෙස් මාධ්ය පවසන්නේ.
