අවුරුද්දක් පමණ වයසැති තම සිඟිත්තිය සමග මවක් වැවකට පැන සිය දිව හානි කරගෙන ඇති බව ලිදුල පොලිසිය පවසනවා.
මෙලෙස වැවට පැන සියදිවි හානි කරගෙන ඇත්තේ ලිඳුල පොලිස් වසමට අයත් ලෝගි වත්තේ පදිංචිව සිටි මගමනි දයානි නැමති 26 හැවිරිදි එක්දරු මවක් සහ ඇයගේ අවුරුද්දක් වයසැති සිඟිත්තියයි.
සිය සැමියාගෙන් සහ සැමියාගේ පවුලේ ඥාතින්ගෙන් තමන්ට සහ දරුවාට හිරිහැර සිදු වන බව මගමනි දයානි විසින් පිටු තුනක ලිපියක් ලියා එම ලිපිය සහ තම විවාහ සහතිකය සහ ජාතික හැදුනුම්පත වැව අසල තබා අද (23) දින උදැසන එම කාන්තාව සිඟිත්තිය සමග ලිඳුල ලෝගි වත්තේ ඇයගේ නිවස අසල පිහිටි වැවට පැන සියදිවි හානි කරගෙන ඇති බවයි ලිදුල පොලිසියේ ස්ථානාධිපති පොලිස් පරික්ෂක සිසිර කුමාර මහතා කියා සිටියේ.
වැවට පැන සියදිවි හානි කරගෙන ඇති කාන්තාවගේ සිරුර වැවෙහි පාවෙමින් තිබෙන බවත්, සිඟිත්තියගේ සිරුර වැවෙහි අතුරුදහන් ඇති බවත් පොලිසිය කියා සිටියා.
- VI
