ලෝක ආහාර සහ කෘෂිකර්ම සංවිධානය මෙරටට ප්‍රදානය කළ පොහොර මෙට්‍රික් ටොන් 36,000ක් අද සිට දිවයින පුරා බෙදා හැරීම ආරම්භ කරන බව කෘෂිකර්ම අමාත්‍යාංශය පවසනවා .
අමාත්‍යාංශ ලේකම් ගුණදාස සමරසිංහ මහතා සඳහන් කළේ, ඊයේ පස්වරුවේ අදාළ පොහොර තොගය නිල වශයෙන් මෙරටට භාර දුන් බවයි .
යල කන්නයේ වී වගාව ආරම්භ කර ඇති සියලු දිස්ත්‍රිකක්වලට අදාල පොහොර තොගය බෙදා හැරීමට නියමිතව ඇතැයි ද කෘෂිකර්ම අමාත්‍යාංශයයේ ලේකම් ගුණදාස සමරසිංහ මහතා සඳහන් කළා .
මේ අතර 2023 යල කන්නයේ වී හා අතිරේක බෝග වගාව සඳහා අද සිට ජලය නිකුත් කරන බව වාරිමාර්ග දෙපාර්තමේන්තුව පවසනවා.
ඒ අනුව අද සිට මහවැලි හා සුඵ’ වාරිමාර්ගවලින් එම ජලය නිකුත් කෙරෙනු ඇති .
දැනට එම ජලාශවල සියයට 77 ක ජල ධාරිතාවක් පවතීන බවත් ඉන් සියයට 66 ක් වගා කටයුතු සඳහා නිකුත් කිරීමට සැලසුම්කර තිබේන බව වාරිමාර්ග දෙපාර්තමේන්තුව පවසනවා.
