ජල ගාස්තු වැඩි කිරීම පිළිබඳ අධ්යයනය කිරීමට කමිටුවක් පත් කර ඇති බව ජාතික ජල සම්පාදන හා ජලපවාහන මණ්ඩලය පවසනවා.
එහි සාමාන්යාධිකාරී ආචාර්ය වසන්තා ඉලංගසිංහ මහත්මිය පවසන්නේ එම කමිටුවේ නිර්දේශ මත පවතින තත්ත්වය යටතේ ජල ගාස්තු අනිවාර්යෙන් වැඩි කළ යුතු නමුත් එය කොපමණ ප්රමාණයකින් කවදා සිටද යන්න මෙතෙක් තීරණය කර නැති බවයි.
විදුලි බිල ඉහළ යෑම හේතුවෙන් ජල සම්පාදන වියදම සියයට හැටපහකින් පමණ ඉහළ ගොස් ඇති බවයි ඇය පවසන්නේ.
2012 වර්ෂයේ ජල ගාස්තු වැඩි කළ පසු නැවත ජල ගාස්තු වැඩි කර ඇත්තේ 2022 වසරේදීයි.
කුමන අපහසුතා මැද වුවද ජනතාවට උසස් සේවාවක් ලබා දෙමින් ජල සම්පාදන මණ්ඩලය මේ දක්වා කටයුතු කරගෙන යන බවයි සාමාන්යාධිකාරී ආචාර්ය වසන්තා ඉලංගසිංහ මහත්මිය ප්රකාශ කළේ.
ජල සම්පාදන මණ්ඩලය ලබා ගෙන ඇති දේශීය හා විදේශිය ණය පියවා ගැනීමට දැනට මණ්ඩලයට ලැබෙන ආදායම ප්රමාණවත් නොවන බවද විදුලි බිල වැඩි වීමට පෙර එය කෙසේ හෝ කළමනාකරණය කර ගත් නමුත් දැන් එය කළ නොහැකි තත්වයට මුහුණ දී සිටින බවද ඇය සඳහන් කළා.
පසුගිය වසරේ සැප්තැම්බර් මාසයේදී ජල ගාස්තු වැඩි කිරීම සඳහා අමාත්ය මණ්ඩලය අනුමැතිය ලබා දී ඇත්තේ නිෂ්පාදන පිරිවැය අනුව නැවත ජල ගාස්තු වැඩි කිරීමට ඉඩකඩ ලැබෙන ලෙස බවයි ඇය වැඩිදුරටත් කියා සිටියේ.
ඒ අනුව නැවත ජල ගාස්තු වැඩිවීමක් අමාත්යාංශය මට්ටමේ තීන්දුවකින් ක්රියාත්මක කිරීමේ හැකියාවක් පවතින බවයි ඉලංගසිංහ මහත්මිය ප්රකාශ කළේ.
