බලපත්‍රයේ අනුමත ප්‍රමාණයට වඩා ගාන්ඩිස් දැව කදන් ප්‍රවාහනය කරමින් තිබූ ලොරි රථයක් රියදුරු සමග අද (15) දින හැටන් පොලිසියේ රථ වාහන අංශයේ නිලධාරින් විසින් සැකපිට අත්අඩංගුවට ගෙන ඇත.
හැටන් වන අඩවි කාර්යාලය මගින් මස්කෙලිය සාමිමලේ සිට මොරටුව දක්වා දැව කදන් 20 ක් අද (15) දින ප්‍රවාහනය කිරීමට බලපත්‍රයක් නිකුත් කර ඇති අතර ලොරි රථය අත්අඩංගුවට ගත් අවස්තාවේ ලොරි රථයේ දැව කදන් 40 ක් තිබු බවයි ලොරි රථය පොලිස් භාරයට ගත් රථ වාහන අංශයේ නිලධාරින් කියා සිටියේ.
ලොරි රථයේ ප්‍රවාහනය කරමින් තිබු දැව කදන් 40 සදහා වන අඩවි කාර්යාලය මගින් දැව කදන් වල මුද්‍රාව සදහන් කර තිබුණද බලපත්‍රයේ ප්‍රවාහනය කිරීමට අනුමැතිය ලබා දී ඇත්තේ දැව කදන් 20 ට පමණක් බව පොලිසිය නිලධාරින් සිදුකල මූලික විමර්ෂණයේදී අනාවරණය වී ඇත්තේ.
මේ සම්බන්ධයෙන් හැටන් වන අඩවි කාර්යාලයේ වන අඩවි නිලධාරි කවිදු රුක්ෂාන් මහතාගෙන් කල විමසුමකදී ඔහු කියා සිටියේ පොලීසිය විසින් අත්අඩංගුවට ගත් ලොරි රථයේ දැව කදන් 20 ක් පමණක් ප්‍රවාහනය කිරීමට බලපත්‍ර නිකුත් කර ඇති බවත්, තම කාර්යාලයේ නිලධාරියෙකු අදාල දැව කදන් 20 ලොරි රථයට පැටවිමෙන් අනතුරුව එම නිලධාරියාට නොදන්වා කොන්ත්‍රාත්කරු විසින් තවත් දැව කදන් 20 ක් ලොරි රථයට පටවා ඇති බවයි. සිද්ධිය සම්බන්ධයෙන් තම කාර්යාලය මගින්ද විමර්ෂණයක් සිදු කරන බවත් ඒ මහතා කියා සිටියා.
හැටන් පොලිස් අධිකාරි එච්.එම්.එන්.දෙහිගම මහතාගේ සහ හැටන් මූලස්ථාන පොලිසියේ ප්‍රධාන පොලිස් පරික්ෂක රංජිත් ජයසේන යන මහතුන්ගේ උපදෙස් අනුව අත්අඩංගුවට ගත් ලොරි රථය දැව කදන් තොගය සහ රියදුරු හැටන් මහෙස්ත්‍රාත් අධිකරණය වෙත ඉදිරිපත් කරන බව හැටන් පොලිසිය පැවසුුුවා.
