ඛනිජ තෙල් සංස්ථාවේ ඉන්ධන මිල නියම කිරීමේදී වෙනත් තරඟකාරී පාර්ශ්වවල කිසිදු සම්බන්ධයක් නැතැයි හිටපු අමාත්‍ය කංචන විජේසේකර පවසනවා. ඔහු සිය එක්ස් ගිණුමේ සටහනක් තබමිනුයි මේ බව සදහන් කර ඇත්තේ.
ලංකා ඛනිජ තෙල් නීතිගත සංස්ථාව යනු එක් ක්‍රියාකරුවෙක් මිස කර්මාන්තයේ නියාමනය කරන්නා නොවන බවද එහි දැක්වෙනවා.
තෙල් සංස්ථාවේ පිරිවැය පිළිබිඹු කිරීම සඳහා මිල සූත්‍රයක් ක්‍රියාත්මක කර තිබෙන බව ද හිටපු අමාත්‍යවරයා පෙන්වා දෙනවා.
ඔවුන්ගේ මාසික මිල සූත්‍රයට අනුව ස්වාධීනව මිල තීරණය කරන බවයි එහි දැක්වෙන්නේ.
ඒ අනූව තෙල් සංස්ථාවේ කළමනාකරණය යටතේ වන මාසික මිල සූත්‍රයට අනුව ලාභ සහ පාඩු දැක්විය යුතු බවද හිටපු අමාත්‍ය කංචන විජේසේකර මහතා සඳහන් කරනවා.
මේ හේතුවෙන් සිය අලෙවියෙන් පසු සිදුවන පාඩුව පියවා ගැනීමට පැවති රජය වෙනත් පාර්ශ්වකරුවෙකු සමඟ කිසිදු ගිවිසුමකට එළඹ නොමැති බවයි මෙහි පෙන්වා දී ඇත්තේ.
