අග්‍රාමාත්‍ය කාර්යාලයේ ස්ථාපිත කර තිබු වෛද්‍ය ඒකකය විසුරුවා හැරීමට පියවර ගෙන තිබෙනවා.
ඒ අනුව එහි සේවය කළ වෛද්‍ය නිලධාරීන්, සේවක පිරිස , සෞඛ්‍ය උපකරණ , ඖෂධ සහ ගිලන් රථ දෙක සෞඛ්‍ය අමාත්‍යංශය වෙත භාර දුන් බවයි අග්‍රාමාත්‍ය කාර්යාලය සදහන් කළේ.
අග්‍රාමාත්‍ය ලේකම් ප්‍රදීප් සපුතන්ත්‍රිගේ මහතා විසින් සෞඛ්‍ය අමාත්‍යංශයේ ලේකම් විශේෂඥ වෛද්‍ය පාලිත මහීපාල මහතා වෙත ඊට අදාළ ලිපි ලේඛණ භාර දීම සිදුකෙරුණා.
අනවශ්‍ය වියදම් අවම කිරීම සදහා රජය ගෙන ඇති ප්‍රතිපත්තිමය තීරණයට අනුව මෙය සිදුකර තිබෙනවා.
එම වෛද්‍ය ඒකකය සතුව තිබු මානව සහ භෞතික සම්පත් ඉදිරියේදී සෞඛ්‍ය අමාත්‍යංශය විසින් මහජනතාවගේ සෞඛ්‍ය අවශ්‍යතා වෙනුවෙන් යොදවීමට නියමිතයි.
Array
