පස් වරක් පාපන්දු ලෝක කුසලානය ජයග්රහණය කළ බ්රසීල කණ්ඩායමට මෙවර ලෝක කුසලාන පාපන්දු තරගාවලියෙන් ඉවත් වීමට සිදු වුණා.
ඒ, නෝර්වේ කණ්ඩායම සමග පැවති සුපිරි 16 දෙනාගේ වටයේ තරගය පරාජය වීමත් සමගයි.
නිව්යෝර්ක්හි නිව් ජර්සි ක්රීඩාංගණයේ පැවති මෙම තරගයේ පළමු අර්ධයේදී කණ්ඩායම් දෙකම ගෝල වාර්තා කිරීමට සමත් වූයේ නැහැ.
කෙසේ වෙතත් දෙවැනි අර්ධයේ ක්රියාත්මක වූ සුපිරි පාපන්දු ක්රීඩක අර්ලින් හාලන්ඩ්, නෝර්වේ කණ්ඩායම වෙනුවෙන් ගෝල 2 ක් රැස් කිරීමට සමත් වුණා.
ආබාධ සඳහා ලබා දුන් අතිරේක කාලයේ 10 වැනි මිනිත්තුවේදී, දඬුවම් පහරක් මගින් නේමාර්, බ්රසීලය වෙනුවෙන් ගෝලයක් රැස් කළ ද ජයග්රහණය සඳහා එය ප්රමාණවත් වූයේ නැහැ.
ඒ අනුව තරගය අවසන් වුණේ ගෝල 2 ට 1 ක් ලෙස නෝර්වේ කණ්ඩායමට ජය හිමි කර දෙමින්.
මෙම ජයග්රහණයත් සමගින් නෝර්වේ කණ්ඩායම 2026 ලෝක කුසලාන පාපන්දු තරගාවලියේ අර්ධ අවසන් පූර්ව වටයට සුදුසුකම් ලබා ගත්තා.
ඔවුන් ලෝක කුසලාන පාපන්දු තරගාවලියක අර්ධ අවසන් පූර්ව වටයට පිවිසි පළමු අවස්ථාව මෙය වීම විශේෂත්වක්.
