මාස පහකට ආසන්න කාලයක් තිස්සේ තාවකාලිකව නතර වී තිබූ ඉරානය සහ කටාර් රාජ්යය අතර සමුද්රීය වෙළඳ කටයුතු නැවත ආරම්භ කර තිබෙනවා.
දෝහා හි පිහිටි ඉරාන තානාපති කාර්යාලයේ වාණිජ අංශය ප්රකාශ කළේ, දෙරට අතර පැවති වෙළඳ සබඳතා සහ නාවික ප්රවාහන කටයුතු මෙලෙස යළිත් සාමාන්ය තත්ත්වයට පත් කර ඇති බවයි.
මේ අතර ඉරානයේ හිටපු උත්තරීතර නායක අයතුල්ලා අලි කමේනිගේ අවමංගල්ය උත්සවය වෙනුවෙන් අද පැවති ආගමික වතාවත් සඳහා ඔහුගේ පුතුන් තිදෙනෙකු වන මසූඩ්, මොස්ටාෆා සහ මේසම් සහභාගි වී තිබෙනවා.
ඔවුන්ට අමතරව ඉරාන ජනාධිපති මසූඩ් පෙසෙෂ්කියන් සහ එරට විප්ලවවාදී ආරක්ෂක බලකායේ ප්රධානී අහමඩ්
වහිඩි ද මෙම අවස්ථාවට එක්ව සිටියා.
කෙසේ නමුත් ඉරානයේ නව උත්තරීතර නායකයා ලෙස පත් කර සිටින මොජ්තාබා කමේනි තවමත් සිය පියාගේ අවමංගල්ය උත්සවයට පැමිණ නොසිටීම විශේෂත්වයක්.
අයතුල්ලා ඝාතනය කෙරුණු අමෙරිකානු – ඊශ්රායල ගුවන් ප්රහාරවලින් මොජ්තාබා ද තුවාල ලබා ඇති බවට පැතිර යන කටකතා හේතුවෙන් ඔහුගේ වත්මන් තත්ත්වය තවමත් අබිරහසක්ව පවතිනවා.
එරට රාජ්ය නායකයින් ඇතුළු දහස් සංඛ්යාත පිරිසක් අයතුල්ලා වෙත අවසන් බුහුමන් දැක්වීම සඳහා පැමිණෙමින් සිටිනවා.
ඉරාන බලධාරීන් පවසන්නේ ‘සියවසේ අවමංගල්යය‘ ලෙස හැඳින්වෙන මෙම අවමංගල්ය උත්සව සඳහා මිලියන 12 ත් 20 ත් අතර ජනකායක් සහභාගී වනු ඇතැයි අපේක්ෂා කෙරෙනවා.
උත්තරීතර නායකයාගේ නිල අවමංගල්ය කටයුතු පසුගිය සිකුරාදා ආරම්භ වූ අතර, ඉදිරි සතිය පුරා ඉරානය සහ ඉරාකය කේන්ද්ර කරගනිමින් විවිධ ගුණානුස්මරණ උත්සව පැවැත්වීමට සැලසුම් කර තිබෙනවා.
කමේනිගේ දේහය මේ වන විට ටෙහෙරානයේ පිහිටි ‘ග්රෑන්ඩ් මොසාල්ලා‘ සිද්ධස්ථානයේ තැන්පත් කර තිබෙනවා.
