හෝමුස් සමුද්‍ර සන්ධිය සම්බන්ධයෙන් ඉරානය සමග සිදුවන සාකච්ඡාවලට ඕමානය බාධා කළහොත් ඔවුන්ට බෝම්බ ප්‍රහාර එල්ල කරන බවට අමෙරිකානු ජනාධිපති ඩොනල්ඩ් ට්‍රම්ප් අනතුරු අඟවා තිබෙනවා. විදෙස් මාධ්‍ය වෙත අදහස් දක්වමිනුයි අමරිකානු ජනාදිපතිවරයා මෙම තර්ජනය සිදු කර ඇති බවයි වාර්තා වන්නේ. හෝමුස් සමුද්‍ර සන්ධියේ නැව් ගමනාගමනය පාලනය කිරීම පිළිබඳව ඉරානය සහ ඕමානය අතර වෙනම සාකච්ඡා මේ වන විට පැවැත්වෙනවා. එමෙන්ම, අමෙරිකාවද ඉරානය සමගින් ඒ සඳහා වෙනම සාකච්ඡා පවත්වමින් සිටින බවයි විදෙස් මාධ්‍ය වාර්තා කළේ. මේ අතර ඕමානයට බෝම්බ හෙළන බවට අමෙරිකානු ජනාධිපති ඩොනල්ඩ් ට්‍රම්ප් සිදුකළ තර්ජනයත් සමග ලෝක වෙළෙඳපොළේ බොරතෙල් මිල අද යළිත් ඉහළ ගොස් තිබෙනවා. ඒ අනුව බ්‍රෙන්ට් බොරතෙල් බැරලයක මිල අමෙරිකානු ඩොලර් 90 ඉක්මවා ගොස්, එය 91.24ක් ලෙස සටහන්වී ඇති අතර මර්බන් වර්ගයේ බොරතෙල් ඩොලර් 97.70ක් ලෙසත් ඉහළ ගොස් තිබෙනවා. එමෙන්ම උඔෂ බොරතෙල් ඩොලර් 85ක් ලෙසත් ඉහළගොස් ඇති බවයි විදෙස් මාධ්‍ය වාර්තා කළේ.
