කොළඹ කලාපයේ පිහිටි මුස්ලිම් පාසල්වල තිබෙන ගැටළු පිළිබඳ සොයා බලා ඒවාට කඩිනම් විසඳුම් ලබා දෙන ලෙස ජනාධිපති රනිල් වික්රමසිංහ මහතා අදාළ නිලධාරීන්ට උපදෙස් දී තිබෙනවා.
කොළඹ කලාපයේ මුස්ලිම් පාසල් මුහුණ දී තිබෙන ගැටළු පිළිබඳ ජනාධිපති කාර්යාලයේ දී ඊයේ පැවැති සාකච්ඡාවට එක් වෙමිනුයි ජනාධිපතිවරයා මෙම උපදෙස් ලබා දුන්නේ.
ගුරු පුරප්පාඩු, පන්ති කාමර හිඟය සහ ඉඩ පහසුකම් ප්රමාණවත් නොවීම, ඉස්ලාම් දහම සිංහලෙන් ඉගැන්වීමේ දුෂ්කරතා සහ මුස්ලිම් ප්රජාව බහුතරයක් වෙසෙන ප්රදේශවල මුස්ලිම් පාසල් නොමැතිකම වැනි ගැටළු පිළිබඳ මෙහිදී අවධානය යොමු කර තිබෙනවා.
ආසන්න වශයෙන් මුස්ලිම් සිසුන් 40,000 ක් පමණ සිංහල මාධ්යයෙන් අධ්යාපනය ලබන අතර සිංහල භාෂාවෙන් ඉස්ලාම් දහම ඉගැන්වීමේ නිපුණතාවක් සහිත ගුරුවරුන්ගේ හිඟය පියවීම පිළිබඳවද සාකච්ඡා කර තිබෙනවා.
එමෙන්ම ගුරු පුරුප්පාඩු සපුරාලීම සඳහා සුදුසුකම් ලත් ගුරුවරුන් හඳුනාගෙන අවශ්ය පත්වීම් සිදු කරන ලෙසට ජනාධිපති රනිල් වික්රමසිංහ මහතා විස්න් අදාළ නිලධාරීන්ට උපදෙස් ලබා දීමද මෙහිදී සිදු කළා.
උණුසුම් පුවත්
- ප්රදේශ කිහිපයකට අදත් වැසි
- ඇෆ්ඝන් භූ කම්පනයෙන් මියගිය පිරිස ඉහලට
- සිම්බාබ්වේට එරෙහි පළමු විස්සයි විස්සේ ජය ශ්රී ලංකාවට
- විදුලිබල සේවකයන් වෘත්තීය ක්රියාමාර්ගයක් අරඹයි
- ශිෂ්යත්ව විභාගයේ ප්රතිඵල අන්තර්ජාලයට
- සූදු ක්රීඩා නියාමන පනතට කථානායකගේ අනුමැතිය
- උණුසුම් කාලගුණ තත්ත්වය පිළිබඳ අවවාදාත්මක නිවේදනයක්
- අන්තර් විශ්වවිද්යාල විද්යායතන ශිෂ්ය ක්රියාකාරි සාමාජිකයන් හා හරිනි අමරසූරිය මෙනවිය අතර සාකච්ඡාවක්