විශ්ව කීර්තියට පත් ප්‍රවීණ කලාකරු විමල් වික්‍රමසුරේන්ද්‍ර මහතා අභාවප්‍රාප්ත වුණා.
පාර්ලිමේන්තු සභා ගැබේ පිවිසුම් දොරටුවේ අලංකාර පිත්තල කැටයම සහ සභා ගැබ තුළ ඇති සියලුම කැටයම් නිර්මාණ සිදුකළ ප්‍රවීණ කලාකරු විමල් වික්‍රමසුරේන්ද්‍ර මහතා මෙරට කලාකරුවන් සදහා පිදෙන සෑම සම්මානයකින්ම පාහේ පිදුම් ලැබු කලාකරුවෙක්.
මෙරට පළාත් සභා කිහිපයකම සෙංකෝල නිර්මාණය කර ඇත්තේ ද විමල් වික්‍රමසුරේන්ද්‍ර මහතායි.
ඒ මහතාගේ දේහය කළුතර දූව පන්සල පාරේ පිහිටි නිවසේ තැන්පත් කර තිබෙනවා.
අවසන් කටයුතු වස්කඩුව ආදාහනාගරයේ දී අද පස්වරුවේ සිදු කිරීමට නියමිතයි.
