ශ්රී ලංකා කණ්ඩායම කඩුළු 10න් පරාය කරමින් 8 වැනි වරටත් ආසියානු කුසලාන ක්රිකට් තරගාවලියක ශූරතාවය දිනා ගැනීමට ඉන්දීය කණ්ඩායම ඊයේ සමත් වුණා.
කොළඹ ආර්. ප්රේමදාස ක්රීඩාංගනයේ පැවැති අවසන් තරගයේ කාසියේ වාසිය දිනූ ශ්රී ලංකාව පළමුව පන්දුවට පහර දීමටයි තීරණය කළේ.
ඒ අනුව පන්දුවට පහරදුන් ශ්රී ලංකා කණ්ඩායමේ සියලු පිතිකරුවන් ලකුණු 50 කට දවා ගැනීමට ඉන්දීය පන්දු යවන්නන් සමත් වුණා.
ඒ, පන්දුවාර 15යි පන්දු 2 ක් පමණක් යොමු කරමින්.
කුසල් පෙරේරා පළමු පන්දුවාරයෙන්ම ලකුණු නොලබා දැවී ගියා. පැතුම් නිස්සංක ලකුණු දෙකකටත්, සධීර සමරවික්රම හා චරිත් අසලංක ද ලකුණු නොලබා සිටියදී දවා ගැනීමටත් ඉන්දීය පන්දු යවන්නන් සමත් වුණා. ධනංජය ද සිල්වා ලකුණු 4 යි. අනතුරුව නායක දසුන් ශානක ද ලකුණු නොලබා දැවී ගියා.
ඉනිමේ වැඩිම ලකුණුලාභියා වූ කුසල් මෙන්ඩිස් ලකුණු 17 ක් රැස් කළා. දුනිත් වෙල්ලාලගේ ලකුණු 8කට දැවී ගිය අතර, දුෂාන් හේමන්ත නොදැවී ලකුණු 13 ක් රැස් කළා.
සුපිරි පන්දු යැවීමක නිරත වූ මොහමඩ් සිරාජ් ලකුණු 21 කට කඩුලු 6 ක් දවා ගත්තා. හර්ඩික් පාන්ඩ්යා කඩුලු 3 ක් ද, ජස්ප්රිට් බුම්රා එක් කඩුල්ලක් ද බිද හෙලුවා.
පිළිතුරු ඉනිම ක්රීඩා කළ ඉන්දීය කණ්ඩාය පන්දුවාර 6යි එක් පන්දුවක් අවසානයේ කිසිදු කඩුල්ලක් නොදැවී ජයග්රාහී ඉලක්කය පසු කළා.
ෂුබ්මන් ගිල් නොදැවී ලකුණු 27 ක් හා ඉෂාන් කිෂන් නොදැවී ලකුණු 23 ක් රැස් කළා.
උණුසුම් පුවත්
- කැනඩා අගමැතිට ඉන්දියාවෙන් නෝක්කාඩුවක්
- මහ මැතිවරණයේ අපේක්ෂක වියදම් සීමාව ගැසට් කෙරේ
- අරලියගහ මන්දිරය නැරඹීමට පැමිණි පුංචි අමුත්තන්ට තෑග්ගක්
- මැතිවරණයේ පරාජය කියන්නේ අලුත් ගමනක අපේ ආරම්භයක්
- ආරුක්කු නවය පාලම ආශ්රිතව රූගත කළ චිත්රපටයේ වැඩ අවසන්
- මැතිවරණ පැමිණිලි 257 ක් ලැබෙයි
- නාත්තන්ඩිය-දන්කොටුව පාර තවමත් වහලා
- ලංකා T10 ක්රිකට් තරගාවලිය දෙසැම්බර් මස 12 දා සිට