2025 වසර සඳහා කෘෂිකර්ම පර්යේෂණ ක්ෂේත්‍රයේ සංවර්ධනය උදෙසා ජාතික කෘෂිකාර්මික පර්යේෂණ පද්ධතිය තුළ සිටින විදඥයින්ගෙන් සංකල්ප පත්‍රිකා කැඳවීම අරඹා ඇති අතර ප්‍රදාන යෝජනා ක්‍රම 3ක් යටතේ එය සිදු කෙරේ. සංකල්ප පත්‍රිකා ඉදිරිපත් කිරීමේ අවසන් දිනය අප්‍රේල් මස 30 වන දිනෙන් අවසන් වේ.
සංකල්ප පත්‍ර ආකෘතිය හා එය සම්පූර්ණ කිරීම සඳහා වන මාර්ගෝපදේශ සහ සුදුසුකම්ලත් ආයතන ඇතුළත් සියලු තොරතුරු SLCARP වෙබ් අඩවියට (http://www.slcarp.lk) පිවිස “NARA” අංශයේ වැඩිදුර කියවීම (read more) මඟින් ලබාගත හැක.
කෘෂිකර්ම හා වැවිලි කර්මාන්ත අමාත්‍යාංශයට අයත් ශ්‍රී ලංකා කෘෂිකාර්මික පර්යේෂණ ප්‍රතිපත්ති සභාව මෙරට ජාතික කෘෂිකර්ම පර්යේෂණ අධ්‍යයනය ආයතන සම්බන්ධ කිරීම සහ ඒකාබද්ධ කිරීම, පර්යේෂණ ව්‍යාපෘති, වැඩසටහන් සඳහා අරමුදල් සැපයීම සහ ජාතික හා ජාත්‍යන්තර වශයෙන් විද්‍යාත්මක පර්යේෂණ සම්බන්ධතා ප්‍රවර්ධනය කිරීම සඳහා උපදේශන හැකියාවක් ඇති ආයතනයකි.
