ජනාධිපති රනිල් වික්‍රමසිංහ මහතාගේ නිතීඥ දිවියට වසර 50 ක් සම්පුර්ණ වීම නිමිත්තෙන් ඊයේ පස්වරුවේ කොළඹ ශෑන්ග්‍රිලා හෝටලයේදී විශේෂ උත්සවයක් පැවැත්වුණා .
මෙම උත්සවය සදහා මෙරට විනිසුරුවරුන් සහ නිතීඥයින් දහසකට ආසන්න සංඛාවක් සහභාගී වී සිටි බවයි වාර්තා වන්නේ
අග්‍රාමාත්‍ය දිනේෂ් ගුණවර්ධන, හිටපු අග්‍රාමාත්‍ය මහින්ද රාජපක්ෂ, කතානායක මහින්ද යාපා අබේවර්ධන මෙන්ම අමාත්‍යවරුන් වන නිමල් සිරිපාල ද සිල්වා , විජයදාස රාජපක්ෂ, අගවිනිසුරු ජයන්ත ජයසුරිය මහත්වරුන්ද මෙම අවස්ථාවට එක්ව සිටියා .
එමෙන්ම සමගි ජන බලවේගයේ පාර්ලිමේන්තු මන්ත්‍රී ලක්ෂ්මන් කිරිඇල්ල,දෙමල ජාතික සන්ධානයේ නායක පාර්ලිමේන්තු මන්ත්‍රී ආර් සම්බන්ධන් සහ පාර්ලිමේන්තු මන්ත්‍රී එම්.ඒ සුමන්තිරන් යන මහත්වරුන්ද උත්සවය සදහා සහභාගී වී තිබෙනවා .
ජනාධිපති කාර්ය මණ්ඩල ප්‍රධානි සහ ජාතික ආරක්ෂාව පිළිබද ජනාධිපති ජේෂ්ඨ උපදේශක සාගල රත්නායක, ජනාධිපති ලේකම් සමන් ඒකනායක ඇතුළු මහත්වරුන් පිරිසක් ද මෙම අවස්ථාවට එක් වූ අතර ජනාධිපති නීතීඥවරුන් වන රොමේෂ් ද සිල්වා, තිලක් මාරපන, ෆයිසර් මුස්තාෆා යන පිරිස් උත්සව සභාව ඇමතුවා
අදාළ උත්සව අවස්තාව සංවිධානය කර තිබුනේ මෙරට නීති වෘත්තිකයින් විසින් ජනාධිපති රනිල් වික්‍රමසිංහ මහතා කිසිවිටෙක ස්වයං ප්‍රවර්ධනයට කටයුතු නොකළ බව ජනාධිපති නීතීඥ රොමේෂ් ද සිල්වා මහතා සභාව අමතමින් සඳහන් කළා..
ඔහු පෙන්වා දෙන්නේ ජනාධිපතිවරයා පාර්ලිමේන්තුව ශක්තිමත් කිරීමට සැම විටම කටයුතු කළ බවයි.
