විස්සයි විස්ස ලෝක කුසලාන ක්‍රිකට් තරගාවලියේ දෙවන තරගයෙන් ලකුණු 35ක ජයක් අත්කරගැනීමට බටහිර ඉන්දීය කොදෙව් කණ්ඩායම සමත් වූවා.
එම තරගය ඉන්දියාවේ කොල්කටාහි ඊඩ්න් ගාඩන්ස් හිදී පැවැත්වුණේ ස්කොට්ලන්තය සමගින්.
තරගයේ කාසියේ වාසිය දිනාගත් ස්කොට්ලන්ත ක්‍රිකට් කණ්ඩායම පළමුවෙන් පන්දු රැකීමට තීරණය කළා.
ඒ අනුව පන්දුවට පහරදීමට පිටියට පැමිණි බටහිර ඉන්දීය කොදෙව් ක්‍රිකට් කණ්ඩායම නියමිත පන්දුවාර 20 අවසානයේ කඩුලු 5ක් පමණක් දැවී ලකුණු 182ක් ලබාගැනීමට සමත් වූවා.
කෙසේ වෙතත් ලකුණු 183ක ජයග්‍රාහී ඉලක්කයක් හඹා ගිය ස්කොට්ලන්ත ක්‍රිකට් කණ්ඩායමට පන්දුවාර 18.5ක් අවසානයේ සියලුම දෙනා දැවී ලබාගත හැකි වූයේ ලකුණු 147ක් පමණයි.
පන්දුවට පහරදීමේදී බටහිර ඉන්දීය කොදෙව් ක්‍රිකට් කණ්ඩායම වෙනුවෙන් Shimron Hetmyer ලකුණු 64ක් ලබාගැනීමට සමත් වූවා.
Brandon King ලකුණු 35ක්ද, Sherfane Rutherford ලකුණු 26ක්ද Rovman Powell ලකුණු 24ක්ද නායක Shai Hope ලකුණු 19ක්ද ලබාගැනීමට සමත්වූවා.
පන්දු යැවීමේදී ස්කොට්ලන්ත කණ්ඩායම වෙනුවෙන් Brad Currie කඩුලු දෙකක් දවා ගැනීමට සමත් වූ අතර Safyaan Sharif, Oliver Davidson සහ Michael Leask එක් කඩුල්ල බැගින් දවා ගැනීමට සමත් වූවා.
ලකුණු 183ක ජයග්‍රාහී ඉලක්කයක් හඹා යාමට පිටියට පැමිණි ස්කොට්ලන්ත ක්‍රිකට් කණ්ඩායම වෙනුවෙන් වැඩිම ලකුණු සංඛ්‍යාවක් ලබාගැනීමට සමත් වූයේ නායක Richie Berringtonය. ඔහු ලබාගත් ලකුණු සංඛ්‍යාව 42ක්.
Tom Bruce ලකුණු 34ක් ලබාගැනීමට සමත් වූ අතර සෙසු කිසිදු ක්‍රීඩකයෙක් ලකුණු 20 සීමාව පසු කිරීමට සමත් වූයේ නැහැ.
පන්දු යැවීමේ බටහිර ඉන්දීය කොදෙව් ක්‍රිකට් කණ්ඩායම වෙනුවෙන් Romario Shepherd කඩුලු පහක් බි‍ඳ හෙළීමට සමත් වූවා.
Jason Holder කඩුලු 3ක් දවා ගත්තා.
Shamar Joseph සහ Gudakesh Motie එක් කඩුල්ල බැගින් දවා ගැනීමට සමත් වූවා.
තරගයේ වීරයා ලෙස බටහිර ඉන්දීය කන්ඩායම Shimron Hetmyer නම් කෙරුණා.
