15 හැවිරිදි දැරියකට වසර ගණනාවක් තිස්සේ බරපතල ලිංගික අතවර කළ බව කියන උපකාරක පන්ති ගුරුවරයෙකු මොරටුමුල්ල පොලිසිය විසින් අත්අඩංගුවට ගෙන තිබෙනවා.
පොලිසිය කියා සිටියේ මොරටුමුල්ල පුවක්අරඹ අධ්යපාන ආයතනයක් තුළදී අදාළ දැරිය වසර හතරක කාලයක සිට වරින්වර බරපතල ලිංගික අතවරයට ලක්ව ඇති බවයි.
අදාල අධ්යාපන ආයතනයේ ඉංග්රීසි විෂය උගන්වනු ලබන 38 හැවිරිදි විවාහක ගුරුවරයෙක් මෙලෙස අත්අඩංගුවට ගෙන ඇති බවයි වාර්තා වන්නේ.
2022 වර්ෂයේ සිට 2026 වසරේ මෙම මස 03 වැනිදා දක්වා ඉංග්රීසි විෂය උගන්වනු ලබන ගුරුවරයා විසින් තමා වරින්වර ලිංගික අතරවයට ලක් කළ බවට අතවරයට පත් එම දැරිය මොරටුමුල්ල පොලිස් ස්ථානයට වෙත පැමිණි පැමිණිල්ලක් සිදුකර තිබෙනවා.
ඒ අනුව පැමිණිල්ල සිදුකිරීමෙන් පසුව අදාළ සිසුවිය පානදුර මූලික රෝහලේ අධිකරණ වෛද්යවරයා වෙත ඉදිරිපත් කළ බවයි පොලිසිය පවසන්නේ.
එහිදී වින්දිත දැරිය පරීක්ෂාවට ලක් කිරීමෙන් පසුව අධිකරණ වෛද්ය නිලධාරියා එම දැරිය බරපතල ලිංගික අතවරයට ලක්ව ඇති බවට පොලිසිය දැනුවත් කිරීමෙන් පසුව සැකකාර ගුරුවරයා අත්අඩංගුවට ගෙන තිබෙනවා.
