වෙසක් උත්සව සමයේ අධික ලෙස ඉහළ ගොස් තිබූ උඩරට සහ පහත රට එළවළු මිල සාමාන්ය ලෙස පහත වැටෙමින් පවතින බව හැටන් ප්රදේශයේ එළවළු වෙළෙඳුන් පවසනවා.
වෙසක් උත්සව සමයේ දන්සල් ලබාදීම සඳහා කැරට්, බෝංචි, ලීක්ස් ඇතුළු උඩරට සහ පහත රට එළවළු මිල රුපියල් 600-800 දක්වා ඉහළ ගොස් තිබුණා.
කෙසේ වෙතත් මේ වන විට දේශීය වෙළෙඳ පොලේ එළවළු මිල කිලෝවක මිල සැලකිය යුතු ලෙස පහත වැටෙමින් පවතින බව එළවළු සිල්ලර සහ තොග වෙළෙඳුන් කියා සිටියා.
ඒ අනුව අද(11) දින දේශීය වෙළෙඳ පොලේ අමුමිරිස් රු. 450, බෝංචි රු. 500, මාළු මිරිස් රු. 500, කැරට් රු. 480, බටු රු. 450, ගෝවා රු. 200 අනෙකුත් සෑම උඩරට සහ පහත එළවළු වර්ගයකම කිලෝවක මිල රුපියල් 400ක් වැනි සිල්ලර මිලකට අලෙවි වන බවයි වාර්තා වන්නේ.
