ලොව පැරැණිතම පාපැදි සවාරිය ලෙසින් සැළකෙන 112 වැනි ප්‍රංශ පාපැදි සවාරිය මෙම දිනවලදී පැවැත්වෙනවා. අදියර 21 කින් සමන්විත මෙවර ප්‍රංශ පාපැදි සවාරයේ දස වැනි අදියර කිලෝ මීටර එකසිය හැට පහයි මීටර තුනකින් සමන්විත වූ අතර මෙම අදියර ජය ගැනීමට බ්‍රිතාන්‍යයේ සයිමන් යේට්ස් සමත් වුණා. ඒ, පැය හතරයි මිනිත්තු විස්සයි තත්පර පහකින් තරගය අවසන් කරමින්. කෙසේ වෙතත් අදියර දහයක් අවසන් වන විට ප්‍රංශ පාපැදි සවාරියේ ශූරතා ලකුණු සටහනේ පෙරමුණ ගැනීමට අයර්ලන්තයේ බෙන් හීලි සමත් වී තිබෙනවා. ඔහුට මෙම අදියර දහය අවසන් කිරීමට ගත වී ඇති කාලය පැය තිස් හතයි මිනිත්තු හතළිස් එකයි තත්පර හතළිස් නවයක් බවයි සඳහන් වන්නේ.
