ප්රකාශයක් ලබාදීමෙන් පසු දේවගැති ජෙරම් ප්රනාන්දු අපරාධ පරීක්ෂණ දෙපාර්තමේන්තුවෙන් අද (30) පස්වරුවේ ඉන් පිටව ගොස් තිබෙනවා.
දේවගැතිවරයාගෙන් අද පෙරවරුවේ සිට පැය 08ක ප්රකාශයක් සටහන් කරගෙන ඇති බවයි වාර්තා වන්නේ.
ඒ ආගම්වලට අපහාස වන ආකාරයේ ප්රකාශ සිදුකළ බවට එල්ලවී ඇති චෝදනා සම්බන්ධයෙන් ගොනුකර ඇති නඩුවකට අදාළවයි.
අභියාචනාධීකරණය පසුගියදා ඔහුට නියෝග කර තිබුණේ දිවයිනට පැමිණීමෙන් පසු පැය 48ක කාලයක් ඇතුළත අපරාධ පරීක්ෂණ දෙපාර්තමේන්තුවේ ඩිජිටල් වෝහාරික විමර්ශන අංශයේ පෙනී සිට ප්රකාශයක් ලබාදිය යුතු බවටයි.
එම නියෝගයට අනුව දේවගැති ජෙරම් ප්රනාන්දු මෙලෙස අපරාධ පරීක්ෂණ දෙපාර්තමේන්තුව වෙත පැමිණ අදාළ ප්රකාශය ලබාදී ඇති බවටයි වාර්තා වන්නේ.
