යෝජිත ස්වාධීන මාධ්ය කොමිසන් සභාව පිහිටුවීම සඳහා සකසා ඇති මූලික සංකල්ප පත්රිකාව සම්බන්ධයෙන් සිය දැඩි අවධානය යොමුව ඇති බව ශ්රී ලංකා විද්යුත් විකාශකයින්ගේ සංගමය පවසනවා.
එම සංගමය මේ බව කියා සිටියේ ජනමාධ්ය අමාත්ය නලින්ද ජයතිස්ස මහතා වෙත ලිපියක් යොමු කරමින්.
අදාළ ලිපිය අමාත්යවරයා වෙත යොමු කර ඇත්තේ සංගමයේ සභාපති අසංග ජයසූරිය සහ ලේකම් ලක්සිරි වික්රමගේ යන මහත්වරුන්ගේ අත්සනින් යුතුවයි.
එම සංගමය කනස්සල්ල පලකරමින් පවසන්නේ මෙරට ගුවන් විදුලි හා රූපවාහිනි විකාශකයින් නියෝජනය කරන ප්රමුඛතම ආයතනය ලෙස අදාළ ලේඛනය සැකසීමේදී තමන්ගෙන් කිසිදු විමසීමක් සිදු කර නොමැති බවයි.
2025 ඔක්තෝබර් මස ශ්රී ලංකා පුවත්පත් මණ්ඩලය යටතේ පත් කරන ලද විශේෂඥ කමිටුවක් මගින් මෙම සංකල්ප පත්රිකාව සකස් කර ඇති බවත් මේ සඳහා ගුවන් විදුලි රූපවාහිනි මුද්රිත සහ අන්තර්ජාල මාධ්ය ආවරණය වන පරිදි පුළුල් රාමුවක් මෙමගින් යෝජනා කර ඇති බවත් එම සංගමය පෙන්වා දෙනවා.
මෙවැනි වැදගත් ලේඛනයක් සැකසීමේදී ක්ෂේත්රයමට සම්බන්ධ ප්රවීණයන් සම්බන්ධ කර නොගැනීමෙන් ක්ෂේත්රයට අනන්ය වූ මෙහෙයුම්, තාක්ෂණික සහ ආර්ථික පැතිකඩයන් නිසිලෙස සැලකිල්ලට නොගැනීම, අන්තර්ගත නියාමනය සහ බලපත්ර ලබාදීමේ ක්රියාවලින් සම්බන්ධයෙන් පවතින ප්රායෝගික ගැටලු මතුවීම යන ගැටලු මතු විය හැකි බවද ඔවුන් සඳහන් කරනවා.
ඉදිරි සාකච්ඡා සහ ක්රියාවලීන් සඳහා විකාශකයින්ගේ සංගමයේ නියෝජිතයින් සෘජුව සම්බන්ධ කර ගැනීම, මෙම සංකල්ප පත්රිකාව පදනම් කරගෙන නීති සම්පාදනය කිරීමට පෙර විද්යුත් මාධ්ය කොටස්කරුවන් සමග විධිමත් උපදේශන ක්රියාවාලියක් ආරම්භ කිරීම සහ විකාශන ක්ෂේත්රයේ ස්වාධීනත්වය, අන්තර්ගත නියාමනය සහ තිරසාර සංවර්ධනය පිළිබඳව සාකච්ඡා කිරීමට විශේෂ අවස්ථාවක් ලබාදීම යන කරුණු පිළිබඳ අවධානය යොමු කරන ලෙසඑ ම සංගමය අමාත්යවරයාගෙන් ඉල්ලා සිටිනවා.
