2022 – 2023 අධ්යයන පොදු සහතික පත්ර සාමාන්ය පෙළ විභාගයේ ප්රතිඵල මේ වන විට නිකුත් කර තිබෙනවා.
සාමාන්ය පෙළ විභාගයේ ප්රතිඵල නැවත සමීක්ෂණය සදහා අයදුම්පත් කැඳවීම දෙසැම්බර් මස 4 වන දා සිටි 18 වන දා දක්වා සිදු කරන බවයි විභාග දෙපාර්තමේන්තුව නිවේදනය කර සිටියේ.
එමෙන්ම දේශීය සහ විදේශීය භාවිතය සදහා සාමාන්ය පෙළ විභාගයේ සහතික පත්ර අද දින සිට මාර්ගගත ක්රමය ඔස්සේ අයදුම් කිරිමට අවස්ථාව සලසා තිබෙනවා.
විභාග දෙපාර්තමේන්තුව වැඩිදුරටත් කියා සිටියේ සියලුම පාසල් අයදුම්කරුවන්ගේ මුද්රිත කේවල ප්රතිඵල ලේඛන අදාළ විදුහල්පතිවරුන් වෙතත් පෞද්ගලික අයදුම්කරුවන්ගේ ප්රතිඵල ලේඛන එම අයදුම්කරුවන් වෙතත් ප්රතිඵල නැවත සමීක්ෂණයෙන් අනතුරුව නිකුත් කරන බවයි.
මේ අතර 2022 අධ්යයන පොදු සහතික පත්ර උසස් පෙළ විභාගයේ ප්රතිඵලවලට අනුව විශ්වවිද්යාල කඩඉම් ලකුණු අද දිනයේදී නිකුත් කරන බව විශ්වවිද්යාල ප්රතිපාදන කොමිෂන් සභාව පවසනවා.
මෙම විභාගයට අදාළ ප්රතිඵල පසුගිය සැප්තැම්බර් 4 වනදායි නිකුත් කරනු ලැබුවේ.
එහිදි අයදුම්කරුවන් දෙලක්ෂ හැට තුන් දහස් නවසිය තිස් තුනක් අතරින් එක් ලක්ෂ හැට හය දහස් නවසිය තිස් අට දෙනෙකු අවම විශ්වවිද්යාල සුදුසුකම් ලබා ගැනීමට සමත් වුණා.
