හෑෂ් මත්ද්රව්ය සමග සැකකරුවෙකු ගල්කිස්ස කොට්ඨාස අපරාධ විමර්ශන කාර්යාංශය විසින් අත්අඩංගුවට ගෙන තිබෙනවා.
පොලිසිය කියා සිටියේ ඊයේ(13) සවස් කාලයේදී දෙහිවල ප්රදේශයේදී ගල්කිස්ස කොට්ඨාස අපරාධ විමර්ශන කාර්යාංශයේ නිලධාරීන් කණ්ඩායමක් විසින් වැටලීමක් සිදුකර හෑෂ් මත්ද්රව්ය කිලෝග්රෑම් 02 ග්රෑම් 158ක් සමග සැකකරුවෙක් අත්අඩංගුවට ගෙන ගල්කිස්ස පොලිස් ස්ථානය වෙත ඉදිරිපත් කර තිබෙනවා.
අත්අඩංගුවට ගත් සැකකරු වයස අවුරුදු 35ක් වන දෙහිවල ප්රදේශයේ පදිංචිකරුවෙක් බවයි පොලිසිය කියා සිටියේ.
ගල්කිස්ස පොලිසිය වැඩිදුර විමර්ශන සිදු කරනු ලබනවා.
මේ අතර හෙරොයින් සමග සැකකරුවෙක් මාතර කොට්ඨාස අපරාධ විමර්ශන කාර්යාංශය විසින් ඊයේ(12) දහවල් අත්අඩංගුවට ගෙන තිබෙනවා.
මාතර, උයන්වත්ත ප්රදේශයේදී මාතර කොට්ඨාස අපරාධ විමර්ශන කාර්යාංශයේ නිලධාරීන් කන්ඩායමක් විසින් වැටලීමක් සිදුකර හෙරොයින් ග්රෑම් 100ක් සමග සැකකරුවෙකු අත්අඩංගුවට ගෙන මාතර පොලිස් ස්ථානය වෙත ඉදිරිපත් කර තිබෙනවා.
සැකකරු වයස අවුරුදු 21ක් වන උයන්වත්ත ප්රදේශයේ පදිංචිකරුවෙක් බවයි පොලිසිය කියා සිටියේ.
මාතර පොලිසිය විසින් වැඩිදුර විමර්ශන සිදු කරනු ලබනවා.
