මෙරට සංචාරක කර්මාන්තයෙන් උපයා ගන්නා ලද ආදායම පසුගිය වසරේ මුල් මාස 7ට සාපේක්ෂව යම් අඩුවීමක් පෙන්නුම් කර තිබෙනවා. මහ බැංකු වාර්තාවකට අනුව මෙම වසරේ ජනවාරි මාසයේ සිට ජූලි මාසය දක්වා වූ ගතවූ මාස 7ට සංචාරක ආදායම ලෙස වාර්තා වී ඇත්තේ අමෙරිකානු ඩොලර් මිලියන 1,796.7ක් ලෙසයි. කෙසේ නමුත් පසුගිය වසරේ එම කාලය තුළ සංචාරක ආදායමෙන් අමෙරිකානු ඩොලර් මිලියන 2,031.1ක් උපයා ගෙන තිබුණා. ඒ අනුව පසුගිය වසරේ එම කාලයට සාපේක්ෂව මෙම වසරේ අදාළ කාලය තුළ සංචාරක ආදායමෙන් ලැබූ ආදායම 11.5%කින් පහළ යාමක් පෙන්නුම් කර ඇති බවයි මහ බැංකුව පවසන්නේ.
