උතුර පළාතට බලපෑ අධික ශීත කාලගුණයෙන් මියගිය සතුන් වෙනුවෙන් වන්දි ලබාදීමට කෘෂිකර්ම අමාත්‍යාංශය පියවර ගෙන තිබෙනවා.
මෙම කාලගුණික තත්වය ඇතිවුයේ පසුගිය දා මෙරටට හමා ආ මැන්ඩොස් සුළි කුණාටුව හේතුවෙන් .
අදාළ වන්දි ලබා දීම සඳහා රුපියල් මිලියන 30 ක මුදලක් වෙන් කර ඇති බව වාර්තා වනවා ., කෘෂිකර්ම අමාත්‍යාංශය සඳහන් කළේ අදාළ චෙක්පත් කෘෂිකර්ම අමාත්‍ය මහින්ද අමරවීර මහතා විසින් පශු සම්පත් අතිරේක ලේකම්වරයාට භාරදුන් බවයි .
ඒ අනුව මියගිය එක් ගවයෙකු සඳහා රුපියල් විසි දහසක්, ගව පැටවෙකු සඳහා රුපියල් 10,000 ක් ,එළුවෙකු සඳහා රුපියල් 5,000 ක් සහ එළු පැටවෙකු සඳහා රුපියල් 3,000 ක මුදලක් වන්දි වශයෙන් ලබා දෙනු ඇති .
මෙම ශීත දේශගුණ තත්වය පසුගිය දෙසැම්බර් මාසයේ පැවති අතර උතුර සහ නැගෙනහිර පළාත්වල ගවයින් 1,866 ක් සහ එළුවන් 559 දෙනෙක් ඉන් ජීවිතක්ෂයට පත්වුණා.
