කාණ්ඩ හතරක් යටතේ පැවැත්වෙන විස්සයි විස්ස ලෝක කුසලාන ක්‍රිකට් තරගාවලියේ ඒ ඒ කාණ්ඩයේ පෙරමුණ ගැනීමට ඉන්දියාව, ශ්‍රී ලංකාව, බටහිර ඉන්දීය කොදෙව් සහ දකුණු අප්‍රිකා ක්‍රිකට් කණ්ඩායම් සමත්ව තිබෙනවා.
තරගාවලියේ A කාණ්ඩය යටතේ ඉන්දියාව පෙරමුණ ගෙන ඇත්තේ තරග දෙකකට සහභාගි වී එම තරග දෙකම ජයග්‍රහණය කර ප්‍රසාද ලකුණු 4ක් ලබාගනිමිනි.
ඔවුන් ලබාගෙන ඇති දළ ලකුණු ලබාගැනීමේ වේගය 3.050ක් ලෙස ඉහළ අගයක දැක්වෙනවා.
එම කාණ්ඩයේ දෙවන ස්ථානයට පාකිස්ථානය පත්ව සිටින අතර ඔවුන්ට සහභාගි වූ තරග දෙකම ජයග්‍රහණය කර ප්‍රසාද ලකුණු 4ක් ලබාගෙන සිටිනවා.
කෙසේ වෙතත් ඔවුන්ගේ දළ ලකුණු ලබාගැනිමේ වේගය දැක්වෙන්නේ 0.932ක් ලෙසිනි.
අමෙරිකා එක්සත් ජනපදය එම කාණ්ඩයේ තෙවන ස්ථානයට පත්ව සිටිනවා.
0.533ක දළ ලකුණු ලබාගැනීමේ වේගයක් රඳවාගෙන සිටින ඔවුන් තරග තුනකට සහභාගි වී ඉන් තරග දෙකක් පරාජයට පත්ව එක් තරගයක් ජයග්‍රහණය කර ප්‍රසාද ලකුණු 2ක් ලබාගෙන තිබෙනවා.
නෙදර්ලන්ත කණ්ඩයාමද තරග තුනකට සහභාගි වී එක් තරගයක් ජයගෙන තරග දෙකක් පරාජයට පත්ව ප්‍රසාද ලකුණු 2ක් ලබාගෙන සිව්වන ස්ථානයේ පසුවනවා.
සහභාගි වූ තරග දෙකම පරාජයට පත්වෙමින් එම කාණ්ඩයේ පස්වන ස්ථානයට පත්ව සිටින්නේ නැමීබියාවයි.
B කාණ්ඩය යටතේ 3.125ක දළ ලකුණු ලබාගැනීමේ වේගයක් රඳවා ගනිමින් සහභාගි වූ තරග දෙකම ජයග්‍රහණ කළ ශ්‍රී ලංකා කණ්ඩායම පෙරමුණ ගෙන තිබෙනවා.
දෙවන ස්ථානයේ පසුවන සිම්බාබ්වේ කණ්ඩායමද සහභාගි වූ තරග දෙකම ජයගෙන B කාණ්ඩයේ දෙවන ස්ථානයට පත්ව සිටිනවා.
තෙවන ස්ථානයේ පසුවන්නේ ඔස්ටේ්‍රලියානු කණ්ඩායමයි.
අයර්ලන්ත කණ්ඩායම සිව්වන ස්ථානයේත් ඕමාන් කණ්ඩායම පස්වන ස්ථානයේත් පසුවනවා.
මේ අතර බටහිර ඉන්දීය කොදෙව් ක්‍රිකට් කණ්ඩාය C කාණ්ඩයේ පළමු ස්ථානය ලබාගැනීමට සමත්ව සිටින්නේ සහභාගි වූ තරග දෙකම ජය ගනිමිනි.
එංගලන්තය දෙවන ස්ථානයේත් ස්කොට්ලන්තය තෙවන ස්ථානයේත් පසුවනවා.
ඉතාලිය හතරවන ස්ථානයට පත්ව ඇති අතර පස්වන ස්ථානයේ පසුවන්නේ එක් තරගයක් හෝ ජයග්‍රහණය නොකළ නේපාල කණ්ඩායමයි.
D කාණ්ඩය යටතේ තරග තුනකට සහභාගි වී එම තරග තුන ජයග්‍රහණය කළ දකුණු අප්‍රිකානු කණ්ඩායම පළමු ස්ථානයේත් නවසීලන්ත කණ්ඩායම දෙවන ස්ථානයේත් පසුවනවා.
එක්සත් අරාබි එමිර් රාජ්‍ය ක්‍රිකට් කණ්ඩායම තුන්වන ස්ථානයට පත්ව සිටින අතර ඇෆ්ගනිස්ථානය පසුවන්නේ සිව්වන ස්ථානයේයි.
කැනඩාව පස්වන ස්ථානයට පත්ව සිටිනවා.
