විස්සයි විස්ස ලෝක කුසලාන ක්‍රිකට් තරගාවලියේ බටහිර ඉන්දීය කොදෙව් කණ්ඩායම සහ නේපාල කණ්ඩායම අතර තරගයෙන් කඩුලු 9ක විශිෂ්ඨ ජයක් ලබාගැනීමට බටහිර ඉන්දීය කොදෙව් කණ්ඩායම සමත් වූවා.
තරගයේ කාසියේ වාසිය දිනාගත් බටහිර ඉන්දීය කොදෙව් කණ්ඩායම පළමුවෙන් පන්දු රැකීමට තීරණය කළා.
ඒ අනුව පන්දුවට පහරදීමට පිටියට පැමිණි නේපාල ක්‍රිකට් කණ්ඩායම නියමිත පන්දුවාර 20 අවසානයේ කඩුලු 8ක් දැවී ලකුණු 133ක් ලබාගැනීමට සමත් වූවා.
ඒ අනුව නේපාල කණ්ඩායම වෙනුවෙන් Dipendra Singh Airee ලකුණු 58ක් ලබාගත්තේ හයේ පහර තුනක් සහ හතරේ පහර තුනක් සමගින්.
නොදැවී පන්දුවට පහර දුන් Sompal Kami ලකුණු 26ක් ලබාගැනීමට සමත් වූවා.
Lokesh Bam ලකුණු 13ක්ද Aasif Sheikh සහ Gulsan Jha ලකුණු 11 බැගින්ද ලබාගැනීමට සමත් වූවා.
පන්දු යැවීමේදී බටහිර ඉන්දීය කොදෙව් ක්‍රිකට් කණ්ඩායම වෙනුවෙන් Jason Holder කඩුලු හතරක් දවා ගැනීමට සමත් වූවා.
එසේම Akeal Hosein, Matthew Forde, Shamar Joseph සහ Roston Chase කඩුලු එක බගින් දවා ගැනීමට සමත් වූවා.
ලකුණු 134ක ජයග්‍රාහී ඉලක්කයක් හඹා යාමට පිටියට පැමිණි බටහිර ඉන්දීය කොදෙව් දූපත් කණ්ඩායම පන්දුවාර 15.2ක් අවසානයේ කඩුලු 1ක් පමණක් දැවී ජයග්‍රහණය වාර්තා කිරීමට සමත් වූවා.
නොදැවී පන්දුවට පහර දුන් බටහිර ඉන්දීය කොදෙව් කණ්ඩායමේ නායක Shai Hope ලකුණු 61ක්ද Shimron Hetmyer ලකුණු 46ක්ද ලබාගැනීමට සමත් වූවා.
බටහිර ඉන්දීය කොදෙව් කණ්ඩායම දැවී ගිය එකම ක්‍රීඩකයා වූ Brandon King ලකුණු 22ක් ලබාගැනීමට සමත් වූවා.
බටහිර ඉන්දීය කණ්ඩායමේ කඩුල්ල දවා ගැනීමට සමත් වූයේ නේපාල කණ්ඩායමේ පන්දු යවන ක්‍රීඩක Nandan Yadav හටයි.
තරගයේ වීරයා ලෙස ලකුණු 27කට කඩුලු 4ක් දවා ගත් බටහිර ඉන්දීය කොදෙව් පන්දු යවන ක්‍රීඩක Jason Holder
නම් කෙරුණා.
