වසරේ මේ දක්වා කාල සීමාව තුළ සිදුවූ රිය අනතුරුවලින් පුද්ගලයින් 1,424 දෙනෙකු මියගොස් ඇති බව පොලිසිය පවසනවා.
ජනවාරි 01 වැනිදා සිට ජූලි 05 වැනිදා දක්වා වූ කාලය තුළ මාරක අනතුරු 1,355ක් සිදුව ඇති බවයි පොලිස් රථ වාහන පාලන සහ මාර්ග ආරක්ෂාව පිළිබඳ අධ්යක්ෂ, ජ්යෙෂ්ඨ පොලිස් අධිකාරී මනෝජ් රණගල මහතා පැවසුවේ.
ඔහු මෙම අදහස් පළ කර සිටියේ ජාතික අනතුරු වැළැක්වීමේ සතිය පිළිබඳව දැනුවත් කිරීම සඳහා රජයේ ප්රවෘත්ති දෙපාර්තමේන්තුවේ පැවති මාධ්ය හමුවකට එක්වෙමින්.
