එළඹෙන සතියේ දී මුදල් අමාත්යාංශයේ ලේකම් මහින්ද සිරිවර්ධනට මහතා ට එරෙහිව නඩු පැවරීමට සුදානම් වන බව වාර්තා වනවා .
අදාල නඩු පැවරීම සිදු කරනු ලබන්නේ සමගි ජන බලවේගය සහ ජාතික ජන බලවේගය එක්වයි .
ශ්රේෂ්ඨාධිකරණය විසින් පළාත් පාලන ඡන්දය පැවැත්වීම සම්බන්ධයෙන් සිදු කර ඇති නියෝගයට අදාළ ව අමාත්යාංශ ලේකම්වරයා ක්රියා නොකිරීම මෙම නඩු පැවරීම සිදු කිරීමට මුල් වී තිබෙනවා .
ඒ අනුව සමගි ජන බලවේගයේ නායක සජිත් ප්රේමදාස මහතාගේ සහ ජාතික ජන බලවේගයේ නායක අනුර කුමාර දිසානායක මහතා ගේ මැදිහත්වීමෙන් යුතුව මහින්ද සිරිවර්ධන මහතාට එරෙහිව අධිකරණයේ නඩු පැවරෙනු ඇති.
එම පක්ෂ පෙන්වා දෙන්නේ ශ්රේෂ්ඨාධිකරණය විසින් ලබා දුන් තීන්දුවක් ක්රියාත්මක නොකිරීම අධිකරණයට අපහාස කිරීමක් බවයි .
එකම සිදුවීමක් මුලික කර ගනිමින් විපක්ෂයේ විරුද්ධ පක්ෂ දෙකක් එකට එක්ව නීතිමය ක්රියාමාර්ග සදහා පිවිසෙන සුවිශේෂී අවස්ථාවක් ලෙසට ද මෙය ඉතිහාසයට එක්වනවා.
