අධිකරණයට අපහාස කළේ යැයි මුදල් අමාත්‍යාංශයේ ලේකම් මහින්ද සිරිවර්ධන මහතාට එරෙහිව ගොනු කළ පෙත්සම් දෙකක් සලකා බැලීම සදහා මැයි මස 22 වන දා දක්වා කල් තැබීමට ශ්‍රේෂ්ඨාධිකරණය අද නියම කළා.
එම පෙත්සම් අද දින අගවිනිසුරු ජයන්ත ජයසූරිය මහතා ප්‍රමුඛ පංච පුද්ගල විනිසුරු මඩුල්ල ඉදිරියේ කැදවනු ලැබුවා.
එහිදි නීතිපතිවරයා අධිකරණය හමුවේ කරුණු දක්වමින් මෙම නඩුකරයට අදාළව ලේඛන ගොනු කිරීම සදහා කල් ලබා දෙන ලෙස ඉල්ලීමක් ද සිදු කළා.
එම ඉල්ලීමට අවසර දුන් පංච පුද්ගල ශ්‍රේෂ්ඨාධිකරණ විනිසුරු මඩුල්ල අනතුරුව පෙත්සම සලකා බැලීම සදහා මැයි මැස 22 වනදා කැදවීමට ද දින නියම කර තිබෙනවා.
අදාළ පෙත්සම් ගොනු කරනු ලැබුවේ සමගි ජනබලවේගයේ මහ ලේකම් රංජිත් මද්දුමබණ්ඩාර සහ ජාතික ජනබලවේගයේ පාර්ලිමේන්තු මන්ත්‍රී විජිත හේරත් යන මහත්වරුන් විසින්.
පළාත් පාලන ඡන්ද විමසීම් පැවැත්වීම සදහා 2023 අයවැය තුළින් වෙන් කරන ලද මුදල් ප්‍රතිපාදන රඳවා ගැනීම වළක්වාලමින් ශ්‍රේෂ්ඨාධිකරණය ඉකුත් 03 වන දා මුදල් අමාත්‍යාංශයේ ලේකම්වරයා වෙත අතුරු නියෝගයක් ද නිකුත් කරනු ලැබුවා.
එම නියෝගයට අනුකූලව කටයුතු නොකිරිම තුළින් මුදල් අමාත්‍යාංශයේ ලේකම්වරයා අධිකරණය අපහසයක් සිදු කර ඇතැයි චෝදනා කරමිනුයි අදාළ පෙත්සම් දෙක ගොනු කරනු ලැබුවේ.
