රුපියල් මිලියන 556 ක වටිනාකමින් යුත් අත්යවශ්ය තාක්ෂණික උපකරණ තොගයක් මහජන ආරක්ෂක හා පාර්ලිමේන්තු කටයුතු අමාත්ය ආනන්ද විජේපාල මහතා විසින් පොලීසිය ලබා දී තිබෙනවා.
මෙම උපකරණ තොගය මහජන ආරක්ෂක හා පාර්ලිමේන්තු කටයුතු අමාත්යාංශයේදී පොලිස්පති ප්රියන්ත වීරසූරිය මහතා වෙත සංකේතාත්මකව ලබාදුන් බවයි පොලිස් මාධ්ය කොට්ඨාශය සඳහන් කළේ.
මෑත ඉතිහාසයේ පොලීසිය වෙත වැඩිම මුදලක් වැයකර ලබාදුන් උපකරණ තොගය මෙය වන බව සඳහන්.
ඒ අනුව පරිගණක, ඡායා පිටපත් යන්ත්ර, වේගමාපක යන්ත්ර ඇතුළු උපකරණ පොලීසිය වෙත ප්රදානය කර තිබෙනවා.
නීතිය සහ මහජන ආරක්ෂාව තහවුරු කිරීමට පොලීසියට අවශ්ය සහය ලබාදීම තුළින් ජනතාව වෙත කාර්යක්ෂම සේවාවක් ලබාදීමත්, පොලිස් නිලධාරීන්ගේ රාජකාරී කටයුතු පහසු කිරිමත් අපේක්ෂා කරන බවයි මහජන ආරක්ෂක හා පාර්ලිමේන්තු කටයුතු අමාත්යංශය සදහන් කළේ.
