භාණ්ඩ වර්ග පහක මිල පහළ දැමීමට ලංකා සතොස තීරණය කර තිබෙනවා.
ඒ අනුව ආනයනික ටින් මාළු(ග්‍රෑම් 425) මිල රුපියල් 35කින් පහළ දැමීමට තීරණය කර ඇති අතර එහි නව මිල රුපියල් 650ක් වනවා.
දේශීය ටින් මාළු (ග්‍රෑම් 425) රුපියල් පහකින් පහළ දමා ඇති අතර එහි නව මිල වන්නේ රුපියල් 545ක්.
මෙතෙක් රුපියල් 1120ක්ව පැවැති මුං ඇට කිලෝවක් රුපියල් 20කින් පහළ දමා තිබෙනවා.
රුපියල් 1100ක්ව පැවැති හාල් මැස්සන් කිලෝවක මිල රුපියල් 10කින් අඩු කර ඇති අතර එහි නව මිල ලෙස සටහන් වන්නේ රුපියල් 1090ක්.
මේ අතර කොත්තමල්ලි කිලෝවක් රුපියල් 10කින් පහත දැමීම හේතුවෙන් එහි නව මිල රුපියල් 540ක් දක්වා අඩු වී තිබෙනවා.
මෙම නව මිල සංශෝධනයන් හෙට(19) දිනයේ සිට ක්‍රියාත්මක වීමට නියමිතයි.
