ස්ත්රී දූෂණ නඩුවක් සම්බන්ධයෙන් 2020 වසරේ හම්බන්තොට මහාධිකරණයෙන් බරපතල වැඩ සහිතව සිරදඬුවම් ලද චූදිතයෙකු අධිකරණය මගහරිමින් සිටියදී ගිනිගත්හේන පොලිසිය මගින් චූදිතයා අත්අඩංගුවට ගත් බව ගිනිගත්හේන පොලිසියේ ස්ථානාධිපති ප්රධාන පොලිස් පරීක්ෂක විරාජ් විතානගේ මහතා පවසනවා.
චූදිතයා කොළඹ සිට හැටන් දක්වා යතුරු පැදියකින් ගමන් කරමින් සිටියදී ගිලිගත්හේන නගරයේදී සිදු කළ වාහන පරීක්ෂාවකදී චූදිතයා ගමන් ගත් යතුරු පැදිය නතර කර පරීක්ෂා කිරීමේදී චූදිතයා සන්තකයේ හෙරොයින් මිලිග්රෑම් 2250ක් තිබී සොයා ගත් බවත් පසුව චූදිතයා අත්අඩංගුවට ගෙන හැටන් මහේස්ත්රාත් අධිකරණය වෙත බිදරිපත් කර රැඳවුම් නියෝග ලබාගෙන සිදු කරන ලද විමර්ශනයේදී චූදිතයා සම්බන්ධයෙන් තොරතුරු ගණනාවක් සොයා ගත් බවයි පොලිස් ස්ථානාධිපතිවරයා කියා සිටියේ.
කළු කට්ටාඩිගේ චතුර සම්පත් නමැති 30 හැවිරිදි චූදිතයා අත්අඩංගුවට ගන්නා අවස්ථාවේ ඔහු නාවික හමුදාවෙන් විනය හේතුවක් මත ඉවත් කර ඇත ිබවට ලිපියක් සහ ජාතික හැඳුනුම්පතක් ඉදිරිපත් කළ බවත් එම ලිපිය සහ ජාතික හැඳුනුම්පත ව්යාජ එකක් බවට තහවුරු වූ බවයි පොලිස් විමර්ශනවලදී අනාවරණ වී ඇත්තේ.
චූදිතයා ගිනිගත්හේන පොලිසිය වෙත ලබාදුන් තොරතුරු අසත්ය නිසා ඔහුගේ ඇඟිලි සලකුණු රැගෙන පරීක්ෂා කිරීමේදී අත්අඩංගුවට ගත් චූදිතයා ඇඹිලිපිටිය ප්රදේශයේ යතුරු පැදියක් සහ දුරකථනයක් සොරකම් කිරීම, අවිස්සාවේල්ල ප්රදේශයේ කාන්තාවකට ලිංගික අතරව කිරීම, දුම්මලසූරිය ප්රදේශයේ බාල වයස්කාර දැරියකට ලිංගික අතවර කිරීම, යතුරු පැදියක් සොරකම් කිරීම, රන් කරාබු දෙක්ක සොරකම් කිරීම සහ අම්බලන්තොට ප්රදේශයේ තරුණියකට ලිංගික අතවර කිරීම යන චෝදනා යටතේ තංගල්ල මහාධිකරණයෙන් විවෘත වරෙන්තු ලැබූ අයෙකු බවට තොරතුරු අනාවරණ වූ බවයි පොලිස් ස්ථානාධිපතිවරයා වැඩිදුරටත් කියා සිටියේ.
සැකකරු විසින් සොරා ගන්න ලද යතුරු පැදි දෙක සොයා ගත් බවත් රැඳවුම් භාරයේ සිටි චූදිතයා යළිත් මාර්තු 27 වන දා හැටන් මහේස්ත්රාත් අධිකරණය වෙත ඉදිරිපත් කිරීමෙන් පසු සැකකරු අප්රේල් මස 06 වන දින දක්වා රක්ෂිත බන්ධනාගාර ගත කිරීමට නියෝග කර තිබෙනවා.
හැටන් කොට්ඨාසභාර ජ්යෙෂ්ඨ පොලිස් අධිකාරී ප්රදීප් වීරසේකර සහ සහකාර පොලිස් අධිකාරී 01 නිස්සංක ගොඩමුණ්න යන මහත්වරුන්ගේ උපදෙස් සහ අධීක්ෂණය යටතේ ගිනිගත්හේන පොලිසියේ ස්ථානාධිපති ප්රධාන පොලිස් පරීක්ෂක විරාජ් විතානගේ මහතාගේ මෙහෙයවීම යටතේ ප්රධාන පොලිස් පරීක්සක මුදිත, උප පොලිස් පරීක්ෂක නිහාල්, පොලිස් සැරයන් සේනානායක(36703), පොලිස් සැරයන් නිලූප(68777), පොලිස් සැරයන් කුමාර (71977), පොලිස් සැරයන් හරේන් (72735), පොලිස් සැරයන් නිහාල්(55595), පොලිස් කොස්තාපල් වීරසිංහ (102605), පොලිස් කොස්තාපල් ජේතීබන්(102751) යන නිලධාරීන් විසින් සිදු කර තිබෙනවා.
