දුම්රිය සේවය පවත්වාගෙන යාම පිළිබදව එකිනෙකාට චෝදනා නොකර නිසි ක්රමවේදයක් සැකසීම අත්යාවශය බව ප්රවාහන මහාමාර්ග හා ජනමාධ්ය අමාත්ය ආචාර්ය බන්දුල ගුණවර්ධන මහතා පවසනවා.
ශ්රී ලංකා දුම්රිය දෙපාර්තමේන්තුව සම්බන්ධයෙන් පසුගිය දිනවල උද්ගත වූ ගැටලුකාරි තත්ත්වයන් සහ මාධ්ය ඔස්සේ පළ වූ ඇතැම් වාර්තා පිළිබදවත් දෙපාර්තමේන්තුවේ වත්මන් තත්වය පිළිබදවත් අද දින විශේෂ සාකච්ඡාවක් ප්රවාහන අමාත්යාංශයේදී සිදු වුණා.
ඒ අනුව පවතින දුම්රිය ගමන් වාර හා කාල සටහන් පිළිබදව යළි සමාලෝචනයක් සිදු කර ජාත්යන්තරව පවතින නිතිරීති හා ක්රමවේදයන් ද සැලකිල්ලට ගනිමින් නිසි වැඩපිළිවෙලක් ක්රියාත්මක කිරීමට තීරණය කර තිබෙනවා.
එමෙන්ම දුම්රිය රියදුරුන්ගේ ධාවන කාල සටහනේ අවශ්ය සංශෝධන සිදු කිරීම, වයස අවුරුදු 60 – 63 සම්පූර්ණ කර විශ්රාම යැමට ආසන්නව සිටින පළපුරුදු රියදුරන් කොන්ත්රාත් පදනම මත හෝ සේවා කාලය දීර්ඝ කිරීමේ වැඩපිළිවෙලක් පිළිබදව ද අදාළ සාකච්ඡාවේදි අවධානය යොමුව ඇති බව සදහන්.
මේ සදහා දුම්රිය දෙපාර්තමේන්තුවේ පරිපාලන අංශය මෙන්ම සියලුම පරිපාලන අංශ නියෝජනය වන වෘත්තීය සමිති ඇතු`ඵ පිරිස කැදවා අදහස් හා යෝජනා ලබා ගැනීමට ද නියමිතයි.
