කාත්තන්කුඩිය පොලිසියේ සේවය කරන සැරයන්වරියකට ඇයගේ නිරුවත් විඩියෝ දර්ශන වට්ස්ඇප් හරහා යොමු කරමින් තර්ජනය කර ඇති කහවත්ත පොලිස් ස්තානයේ සේවයේ නිරත සැරයන්වරයකු අත්අඩංගුවට ගැනීමට මඩකලපුව කොට්ඨාස ළමා හා කාන්තා අපයෝජන වැළැක්විමේ කාර්යාංශය මගින් විමර්ශනයක් ආරම්භ කර තිබෙනවා.
කාත්තන්කුඩිය පොලිසියේ සේවයේ නිරතව සිටින සැරයන්වරිය විසින් පසුගිය 9 වැනිදා සවස කළ පැමිණිල්ලකට අනුව මෙම විමර්ශනය ආරම්භ කර තිබෙනවා.
මෙම සැරයන්විරිය ළමා හා කාන්තා අපයෝජන වැළැක්වීමේ කාර්යාංශයට පවසා ඇත්තේ තමන් මෙම සැරයන්වරයා සමග කලක් අනියම් සම්බන්ධයක් පවත්වාගෙන ගිය බවයි.
ඒ එම සැරයන්වරයා කාත්තන්කුඩියේ සේවයේ නිරතව සිටියේ කාලයේදීයි.
ඇය පවසනුයේ සැරයන්වරයා ස්ථාන මාරුවක් ලැබ කහවත්තට ගිය පසු දෙදෙනා අතර ඇති සම්බන්ධය බිඳවැටුණු බවයි.
එය මුල් කරගෙන මෙම නිලධාරියා තමාත් ඔහුත් එකට සිරින නිරුවත් විඩීයෝ දර්ශන වට්ස්ඇප් මගින් තමාටත් තවත් කිහිප දෙනෙකුටත් යොමු කර ඇති බව සැරයන්වරිය ළමා හා කාන්තා කාර්යාංශයට පැමිණිලි කරමින් සඳහන් කර තිබෙනවා.
සැරයන්වරයා විසින් එසේ වට්ස්ඇප් මගින් යොමු කර තිබුණු වීඩියෝ දර්ශනයක්ද ඇය සී.ඩී. තැටියකට ගෙන ළමා හා කාන්තා කාර්යාංශයට ඉදිරිපත් කර ඇති බවයි වාර්තා වන්නේ.
එම වීඩියෝ දර්ශනය දෙදෙනා එකට සිටි අවස්ථාවකදී සැරයන්වරයා විසින් සිය ජංගම දුරකතනයෙන් හොරෙන් වීඩියෝගත කර ඇති බව පෙනී යන බව ළමා හා කාන්තා අපයෝජන වැළැක්වීමේ කාර්යාංශයේ උසස් නිලධාරිනියක් සඳහන් කළාය.
මෙම වීඩියෝ දර්ශන වට්ස්ඇප් කරසැරයන්වරයා ඇයට තර්ජනය කර ඇත්තේ තමා සමග පැවැති අනියම් සම්බන්ධය තවදුරටත් පවත්වාගෙන නොයන්නේ නම් වීඩියෝ දර්ශන මුහුණු පොත හරහා මාධ්යයට මුදා හරින බවයි.
දෙදෙනා අතර අනියම් ඇසුර පැවැති සමයේදී සැරයන්වරයා විසින් සැරයන්වරියගෙන් රුපියල් ලක්ෂ තුනක ණය මුදලක් ලබාගෙන තිබෙනවා.
එම ණය මුදල ඉල්ලා නොසිටින ලෙසත් ණය මුදලා ඉල්ලා සිටින්නේ නම් මෙම වීඩියෝ දර්ශන මුහුණු පොත හරහා ප්රසිද්ධ කරන බවද කියමින් ඔහු ඇයට තර්ජනය කර ඇති බව පොලිසිය පවසනවා.
මෙම සැරයන්වරයා අප්රේල් 11 වනදා කහවත්ත පොලිස් ස්ථානයේ සේවයේ නිරතව සිට තිබෙනවා.
සැරයන්වරයා මඩකලපුව කොට්ඨාසයේ සිට ස්ථාන මාරුවීමක් ලැබ පැමිණ ඇත්තේ මෑතකදී බව කහවත්ත පොලිසියේ තොරතුරු වාර්තා කරන්නේ.
උපුටා ගැනීම : දිනමිණ
