හිටපු පොලිස්පති සී.ඩි.වික්රමරත්න මහතාගේ දේහය පිළිබඳ අවසන් කටයුතු අද පොලිස් උත්තමාචාර සහිතව සිදුකිරිමට තීරණය කර තිබෙනවා. පොලිස් මාධ්ය ප්රකාශක සහකාර පොලිස් අධිකාරී එෆ්.යු.වුට්ලර් මහතා පැවසුවේ විශ්රාමික පොලිස්පතිවරයෙකුගේ මියයාමකදී හිමිවන පොලිස් උත්තමාචාර හිටපු පොලිස්පති වෙත ද ලබාදීමට තීරණය කර ඇති බවයි. හිටපු පොලිස්පති සී.ඩි.වික්රමරත්න මහතාගේ දේහය මේ වන විට කොළඹ පෞද්ගලික මල් ශාලාවක තබා ඇති අතර ඊයේ දිනයේ සිට අවසන් ගෞරව දැක්වීම සදහා අවස්ථාව ලබාදී තිබෙනවා. මෙරට 35 වන පොලිස්පතිවරයා ලෙස කටයුතු කළ සී.ඩී.වික්රමරත්න මහතා පසුගිය 17 වනදා උදෑසන සිය නිවසේ දි වෙඩි තබා සියදිවි නසාගෙන තිබුණා. ඔහුගේ මරණය සියදිවි හානී කරගැනීමක් බවට සැකකෙරෙන අතර සිය ආරක්ෂක නිලධාරියාගේ ගිනි අවියෙන් ඔහු වෙඩි තබාගෙන ඇති බවටයි පොලිසිය සැක පල කරන්නේ.
