රුසියානු හිටපු ප්රවාහන අමාත්ය රෝමන් ස්ටාරොවොයිට් සිය දිවි නසාගෙන ඇතැයි විදෙස් වාර්තාවල දැක්වෙනවා. රුසියානු ජනාධිපති ව්ලැඩිමීර් පුටින් විසින් ඊයේ දිනයේදී රෝමන් ස්ටාරොවොයිට් ප්රවාහන අමාත්ය ධුරයෙන් නෙරපා හරිනු ලැබුවා. ඔහු මොස්කව් නගරයෙන් පිටත ඔහුගේ මෝටර් රථය තුළ වෙඩි වැදී මිය ගොස් සිටියදී සොයා ගෙන ඇති අතර ඔහු සිය දිවි නසාගෙන ඇති බවටයි සැක පල කෙරෙන්නේ. 2023 වසරේදී අභ්යන්තර කටයුතු අමාත්යාංශයෙන් ලැබුණු ගිනි අවියක් භාවිත කර හිටපු අමාත්යවරයා සිය දිවි නසාගෙන ඇති බවද මේ වන විට තහවුරු වී ඇති බව විදෙස් වාර්තාවල වැඩිදුරටත් දැක්වෙනවා. කෙසේ වෙතත් රුසියානු ජනාධිපති ව්ලැඩිමීර් පුටින් ඔහු ප්රවාහන අමාත්ය ධුරයෙන් ඉවත් කර ඇත්තේ කුමන හේතුවක් නිසාවෙන්ද ? යන්න සම්බන්ධයෙන් මෙතෙක් අනාවරණය වී නැහැ. මේ අතර යුක්රේනයේ ඩ්රෝන ප්රහාරවල ආරක්ෂක තර්ජනය හේතුවෙන් සහ පසුගිය ජූලි මස පහ සහ හය යන දෙදින තුළ රුසියාවේ ප්රධාන ගුවන් තොටුපොළවල ගුවන් ගමන් 500 කට ආසන්න ප්රමාණයක් නතර කිරීමට සිදුවීමෙන් පසුව ඔහුව රුසියානු ජනාධිපතිවරයා මෙලෙස නෙරපා හැර ඇති බවයි රුසියානු මාධ්ය වාර්තා කරන්නේ.
උණුසුම් පුවත්
- නේපාලයේ ඉන්න ශ්රී ලාංකිකයන්ට දැනුම්දීමක් !
- ඊළග අයවැය පාර්ලිමේන්තුවට දාන්න කැබිනට් අනුමැතිය – VIDEO –
- අයිස් අමුද්රව්ය ගැන වාර්තා දින දෙකකින්
- පිළිකා සඳහා සාර්ථක එන්නතක් සොයාගැනේ..
- තරුණයින් වැඩි වශයෙන් මත්ද්රව්ය භාවිතයට පෙළඹී ඇති බවට අනාවරණයක්
- මගී ප්රවාහන බස් රථ දෛනිකව පරික්ෂා කිරීමට පියවර
- හිටපු අමාත්ය රාජිත සේනාරත්න ඇප මත මුදා හැරේ
- ආසියානු කුසලාන 20 යි 20 ක්රිකට් තරගාවලිය අද සිට