රත්නපුර, කළුතර, ගාල්ල සහ මාතර දිස්ත්රික්කවල පස්වරු 2න් පමණ පසුව ස්ථාන ස්වල්පයක ඇති විය හැකි වැසි හෝ ගිගුරුම් සහිත වැසි හැරුණු විට දිවයිනේ ප්රධාන වශයෙන් වියළි කාලගුණ තත්ත්වයක් පවතින බව කාලගුණ විද්යා දෙපාර්තමේන්තුව නිවේදනය කරනවා.
බස්නාහිර, මධ්යම, සබරගමුව, ඌව සහ වයඹ පලාත්වලත් අනුරාධපුර, මන්නාරම, ගාල්ල සහ මාතර දිස්ත්රික්කවලත් ඇතැම් ස්ථානවල අළුයම් කාලයේදී මීදුම් සහිත තත්ත්වයක් පැවැතිය හැකි බවද නිවේදනයේ සඳහන්.
මේ අතර ඉදිරි පැය 24ට දිවයින වටා මුහුදු ප්රදේශ සඳහා කාලගුණ අනාවැකියද කාලගුණ විද්යා දෙපාර්තමේන්තුව විසින් නිකුත් කර තිබෙනවා.
ඒ අනුව දිවයින වටා වන මුහුදු ප්රදේශවල ප්රධාන වශයෙන් වැසි රහිත කාලගුණ තත්ත්වයක් පවතින බවයි නිවේදනයේ දැක්වෙන්නේ.
කන්කසන්තුරය සිට ත්රීකුණාමලය, පොතුවිල් සහ හම්බන්තොට හරහා ගාල්ල දක්වා වෙරළට ඔබ්බෙන් වන මුහුදු ප්රදේශවල සුළං නැගෙනහිර සිට ඊසාන දක්වා වන දිශාවලfින් එන අතර දිවයින වටා වන සෙසු මුහුදු ප්රදේශවල සුළං නිශ්චිත දිශාවකින් තොරව හමා එන බවයි නිවේදනයේ දැක්වෙන්නේ.
මේ අතර සුළඟේ වේගය පැයට කිලෝමීටර් 20ක් 30ක් පමණ බවද කාලගුණ විද්යා දෙපාර්තමේන්තුව පවසනවා.
කන්කසන්තුරය සිට මන්නාරම හරහා පුත්තලම දක්වා වෙරළට ඔබ්බෙන් වන මුහුදු ප්රදේශ විටින් විට මද වශයෙන් රළු වන බවත් දිවයින වටා වන සෙසු මුහුදු ප්රදේශ සාමාන්ය ස්වභාවයේ පවතින් බවත් නිවේදනයේ සඳහන්.
