2025 වසරේ පෙබරවාරි මාසයේදී එක්සත් අරාබි එමීර් රාජ්‍යයේ සංචාරයක නිරත වන ලෙස ජනාධිපති අනුර කුමාර දිසානායක මහතාට එරට ජනාධිපතිවරයා විසින් ආරාධනා කිරීමට නියමිතව තිබෙනවා.
ඒ එක්සත් අරාබි එමීර් රාජ්‍යයේ පැවැත්වීමට නියමිත ලෝක රාජ්‍ය සමුළුවට සහභාගී වීම සදහායි. ජනාධිපතිවරයා විසින් එම සමුළුව ඇමතීමටද නියමිතයි.
කථානායක අසෝක රන්වල මහතාව පාර්ලිමේන්තුවේදී හමු වූ එක්සත් අරාබි එමීර් රාජ්‍යයේ තානාපතිවරයා විසින් මේ බව දැනුම් දී තිබුණා. එමෙන්ම මෙම සමුළුව 2024 වසරේදී ඉන්දීය අගමැති නරේන්ද්‍ර මෝදි විසින් ඇමතූ බවයි තානාපතිවරයා ප්‍රකාශ කළේ.
දූෂණයට එරෙහිව කටයුතු කිරීමට ඇති හොඳම ක්‍රමය රාජ්‍ය සේවය මෙහෙයවීම මාර්ගගත ක්‍රමය ඔස්සේ සිදු කිරීම බව ද මෙහිදි තානාපතිවරයා සදහන් කළා.
මේ සම්බන්ධයෙන් අවශ්‍යවන විශේෂඥ දැනුම බෙදාගැනීමට තම රාජ්‍ය කැමැත්තෙන් සිටින බවයි තනාපතිවරයා පෙන්වා දුන්නේ.
