තමාට එරෙහිව ඝාතන තැතක් පවතින බවට පකිස්ථානයේ හිටපු අග්‍රාමාත්‍ය ඉම්රාන් ඛාන් එරට අගවිනිසුරු උමාර් බන්දියල් වෙත ලිපියක් යොමු කර තිබෙනවා.ඒ ප්‍රමාණවත් ආරක්ෂාවක් අපේක්ෂා කරමින්.
තමාන්ටැ එරෙහිව ඝාතන තැතක් ක්‍රියාත්මක කිරීමට ඉඩ ඇති බැවින් තමන් අධිකරණයේ පෙනී සිටීමේදී ප්‍රමාණවත් ආරක්ෂාවක් ලබාදීමට කටයුතු කරන ලෙස ඔහු එමගින් ඉල්ලා ඇති බවයි විදෙස් මාධ්‍ය වාර්තා කළේ.
තමන් අවදානම් තත්ත්වයකය මුහුණ දී සිටින බැවින් ඒ පිළිබඳ අගවිනිසුරුවරයාගේ අවධානයට යොමු කරවන බවත් ඉම්රාන් ඛාන් සිය ලිපියේ දක්වා ඇතැයි සඳහන්.තමන්ව බලයෙන් ඉවත් කළ දා සිට විවිධ තර්ජන සහ ඝාතන තැතකට ද මුහුණ දීමට සිදු වූ බවයි ඉම්රාන් ඛාන් පවසා ඇත්තේ.
ඒ සඳහා රජයේ උසස් නිලධාරීන් ද සම්බන්ධ බවත්, තමන් ඝාතනය කිරීමේ තවත් කුමන්ත්‍රණක ලකුණු පවතින බවත් ඔහු සිය ලිපියේ දක්වා ඇතැයි විදෙස් මාධ්‍ය වාර්තා කළා.මේ අතර ඉම්රාන් ඛාන් අත්අඩංගුවට ගැනීම සඳහා ඊයේ ඔහුගේ පෞද්ගලික නිවසට ඉස්ලාමාබාද් පොලීසියේ නිලධාරීන් පිරිසක් ගොස් තිබූ තිබුනා .
