ගිනිකොණ දිග බෙංගාල බොක්ක මුහුදු ප්රදේශයේ පවතින ගැඹුරු පීඩන අවපාතය සම්බන්ධයෙන් අනතුරු ඇඟවීමේ රතු නිවේදනය දීර්ඝ කරමින් නිවේදනයක් අද(09) උදෑසන කාලගුණ විද්යා දෙපාර්තමේන්තුව විසින් නිකුත් කර තිබෙනවා.
අදාළ නිවේදනය අද(09) පෙරවරු 6.30 සිට හෙට(10) පෙරවරු 6.30 දක්වා බලාත්මක බවයි කාලගුණ විද්යා දෙපාර්තමේන්තුවේ ස්වභාවික විපත් පිළිබඳ පූර්ව අනතුරු ඇඟවීමේ මධ්යස්ථානය පවසන්නේ.
ඒ අනුව ගොඩබිම් ප්රදේශ සහ දිවයින වටා වන මුහුදු ප්රදේශ සඳහා ඉදිරි පැය 24ක කාලය සඳහා මෙම අනතුරු ඇඟවීමේ රතු නිවේදනය බලාත්මක වනවා.
ශ්රී ලංකාව ගිනිකොන දෙසින් බෙංගාල බොක්ක මුහුදු ප්රදේශයේ පවතින ගැඹුරු පීඩන අවපාතය අද(09) පෙරවරු 6 පමණ වන විට පොතුවිල් සිට කිලෝමීටර් 170ක් පමණ නැගෙනහිර දෙසින් පිහිටා තිබූ බවයි කාලගුණ විද්යා දෙපාර්තමේන්තුව පවසන්නේ.
එය වයඹ දෙසට ගමන් කර 2026 ජනවාරි 9 වන දින සවස් කාලයේදී පොතුවිල් සහ ත්රීකුණාමලය අතර ශ්රී ලකා වෙරළ තීරය හරහා ගමන් කිරීමට බොහෝ දුරට ඉඩ ඇති බවයි කාලගුණ විද්යා දෙපාර්තමේන්තුව පවසන්නේ.
එහි බලපෑම හේතුවෙන් අද(09) දින සිට දිවයිනේ විශේෂයෙන් උතුරු, උතුරු මැද, නැගෙනහිර, ඌව සහ මධ්යම පළාත්වල වැසි සහ සුළං තත්ත්වයේ වර්ධනයක් බලාපොරොත්තු වන බවද කාලගුණ විද්යා දෙපාර්තමේන්තුව පවසනවා.
සවිස්තරාත්මක නිවේදනය පහතින් දැක්වේ….
Loading...
Reload document 
Open in new tab 
