කොළඹ කොටුව දුම්රිය ස්ථානයේ සිට තලෙයිමන්නාරම දක්වා ගමන් ගන්නා දුම්රිය අද සිට නැවතත් ගමන් ආරම්භ කරන බව දුම්රිය දෙපාර්තමේන්තුව පවසනවා. පසුගිය වසරේ ඇති වූ දිව්වා සුළි කුණාටුවෙන් දුම්රිය මාර්ගයට සිදු වූ හානි හේතුවෙන් මෙම දුම්රිය ගමන් නවතා දැමීමටයි අදාළ බලධාරීන් කටයුතු කළේ. කෙසේ වෙතත් දුම්රිය මාර්ගය ප්‍රතිසංස්කරණ කටයුතු අවසන් කර ඇති බැවින්
අද සිට කොළඹ කොටුවේ සිට තලෙයිමන්නාරම දක්වාත්, තලෙයිමන්නාරමේ සිට කොළඹ කොටුව දක්වාත් දිනපතා දුම්රිය ධාවනය ක්‍රියාත්මක වනවා. ඒ අනුව අද පස්වරු 03.50 ට මෙම දුම්රිය කොළඹ කොටුව දුම්රිය ස්ථානයෙන් ගමන් අරඹා තලෙයිමන්නාරම දක්වා ගමන් කරනු ඇති. හෙට උදෑසන 04.10ට තලෙයිමන්නාරමේ සිට නැවත කොළඹ කොටුව දුම්රිය ස්ථානය දක්වා මෙම දුම්රිය ධාවනය වීමට නියමිතයි. ආසන වෙන්කිරීමේ පහසුකම් සහිත පළමු පන්තියේ වායුසමනය කළ මැදිරි දෙකකින් ද සමන්විත මෙම දුම්රියේ ආසන වෙන්කර ගැනීම මාර්ගගත ක්‍රමයට හෝ දුම්රිය ස්ථාන වෙත පැමිණීමෙන් සිදු කරගත හැකි බවයි දුම්රිය
දෙපාර්තමේන්තුව සදහන් කළේ.
