ඊශ්‍රායල අගමැති බෙන්ජමින් නෙතන්යාහු අත්අඩංගුවට ගෙන ජාත්‍යන්තර අපරාධ අධිකරණයේ නඩු විභාග කරන ලෙස, Amnesty International ආයතනය ප්‍රකාශ කර ඇති බව විදෙස් මාධ්‍ය පවසනවා. එහි පර්යේෂණ, උපදේශන, ප්‍රතිපත්ති සහ ව්‍යාපාර පිළිබඳ ජ්‍යෙෂ්ඨ අධ්‍යක්ෂ එරිකා ගුවේරා රෝසාස් විසින් ප්‍රකාශ කර ඇති බව සදහන්. නිව්‍ යෝර්ක් නගරාධිපති සොහ්රාන් මම්දාන් විසින් මෑතකදී නෙතන්යාහු අත්අඩංගුවට ගෙන රඳවා තබා ගත යුතු බවට කළ ප්‍රකාශයත් සමඟ එරිකා ගුවේරා විසින් මෙම ප්‍රකාශය සිදුකර තිබීම වැඩි අවදානයකට ලක්ව තිබෙනවා. ඊශ්‍රායලය, 2024 වසරේදී ගාසා තීරයට එරෙහිව කළ යුද්ධයේදී යුධ අපරාධ සිදු කළ බවට චෝදනා කරමින් ජාත්‍යන්තර අපරාධ අධිකරණය නෙතන්යාහු අත්අඩංගුවට ගැනීමේ වරෙන්තුවක් නිකුත් කළා.
