දිවයින වටා වන මුහුදු ප්රදේශ කිහිපයක් අතිශය රළු ස්වභාවයක් ගනු ඇති බව කාලගුණ විද්යා දෙපාර්තමේන්තුව පවසනවා. නිවේදනයක් නිකුත් කරමින් ධීවර, ජලජ හා සාගර සම්පත් අමාත්යාංශය සඳහන් කරන්නේ මාතර සිට පොතුවිල් දක්වා සහ හලාවත සිට කල්පිටිය හරහා මන්නාරම දක්වා වන මුහුදු කලාපවල ධීවර රැකියාවේ නිරත වීමෙන් වළකින ලෙසයි. සෙසු ප්රදේශවලින් පිටත්වන යාත්රා මෙම අවදානම් කලාපවලට ඇතුළු නොවන ලෙසද එම නිවේදනයේ සඳහන්.
