කහතුඩුව අධිවේගී පිවිසුම ආසන්නයේදී ඝාතනයට ලක්වූ සිවිල් ගුවන් සේවා අධිකාරියේ සේවිකාවක් වන දුලාංජලී අනුරුද්දිකාගේ ඝාතකයා මේ වන විට විදෙස් රටකට පළා ගොස් සිටින මත්කුඩු ජාවාරම්කරුවෙකු වන රත්මලානේ ධර්මසිරි නොහොත් ධර්මසිරි නමැත්තාගේ වැඩිමහල් සහෝදරයා බවට අනාවරණ වී ඇති බවයි විමර්ශන අංශ පවසන්නේ.
කටුනායක ගුවන් තොටුපොල පොලිසිය විසින් අදාළ සැකකරු ඊයේ රාත්රීයේදීම අත්අඩංගුවට ගනු ලැබුවා.
ඒ සැකකරු රයාර් ඒෂියා ගුවන් සමාගමට අයත් ගුවන් යානයකින් මලයාසිටියාවේ ක්වාලාලාම්පූර් බලා පිටත්ව යාමට පැමිණ සිටියිදීයි.
සැකකරු අත්අඩංගුවට ගැනුණේ මත්ද්රව්ය ජාවාරම්කරුවන් සහ සංවිධානාත්මක අපරාධකරුවන් මර්දනය කිරීමේ අරමුණින් ගුවන් තොටුපොළේ ස්ථාපිත කර ඇති මුහුණ හඳුනාගැනීමේ ස්වයංක්රීය පද්ධතියේ සහයෙන් බවටයි වාර්තා වන්නේ.
ඝාතනයට ලක්වූ කාන්තාව සිවිල් ගුවන් සේවා අධිකාරියේ ගිණුම් අංශයේ සේවයේ නියුක්ත වූ අයෙක් වනවා.
ඝාතනයට ලක්වූ කාන්තාව එක්දරු මවක් වන අතර ඇයගේ සැමියා හොරණ ප්රදේශයේ ප්රසිද්ධ වෛද්ය මධ්යස්ථානයක් පවත්වාගෙන යනු ලබන පානදුර රෝහලේ වෛද්යවරයෙක් බවටයි වාර්තා වන්නේ.
අදාළ කාන්තාව සිවිල් ගුවන් සේවා අධිකාරියේ රැකියාව නිමවා කාර්යාල සේවා බස් රථයෙන් පැමිණ කහතුඩුව අධිවේගී පිවිසුමෙන්හොරණ කොළඹ මාර්ගයට පැමිණෙමින් සිටියදී මෝටර් රථයකින් පැමිණි පුද්ගලයකු විසින් කඩුවකින් ගෙළට පහරදී පළා ගොස් තිබූ බවයි පොලිසිය කියා සිටියේ.
අදාළ පහරදීම්වලින් තුවාල ලැබූ කාන්තාව වෑතර රෝහලට ඇතුළත් කරන විටත් මියගොස් සිටි බවයි V News වාර්තාකරු කියා සිටියේ.
එම කාන්තාව පිළියන්දල, මාඩපාත ජබුරලිය ප්රදේශයේ පදිංචිකාරියක් වනවා.
කාන්තාව ඝාතනය කරනු ලැබු පුද්ගලයා වීසා උපදේශන ආයතනයක් පවත්වාගෙන යන අයෙකු වන එල්ලාවල ලියනගේ ඩන්ස්ටන් ප්රසාද් පෙරේරා නමැත්තෙකි.
පොලිසිය කියා සිටියෙ ්බම්බලපිටිය සුපිරි වෙළෙඳ සංකීර්ණයක් තුළ ඔහුගේ වීසා උපදේශන සේවා සපයන ස්ථානය පවත්වාගෙන ගොස් ඇති බවයි.
