ඉන්දියාව සහ රුසියාව ද්විපාර්ශවික වෙළඳ සබඳතා ශක්තිමත් කර ගැනීමට සූදානම් වනවා.
ඒ අනුව ඉන්දියාව සහ රුසියාව 2025 වන විට ඩොලර් බිලියන 30 ක ද්විපාර්ශ්වික වෙළඳාමක් වෙත ළඟා වීමට අපේක්ෂා කරන බවයි රුසියාවේ ඉන්දීය තානාපති කාර්යාලයේ ආර්ථික හා වාණිජ දෙපාර්තමේන්තුවේ ප්රධානී ප්රකාශ් සිං පවසා ඇත්තේ.
ඖෂධ, රසායන ද්රව්ය සහ කෘෂිකර්මාන්තය වැනි ක්ෂේත්ර ඔස්සේ වෙළඳාම ශක්තිමත් කර ගැනීමට දෙරටට හැකියාව ඇති බව ද ඔහු පෙන්වා දී ඇතැයි සඳහන්.
ඒ අනුව ඉන්දියාවෙන් රුසියාවට සිදුකරන අපනයන ඉහළ නැංවිය හැකි බවයි රුසියාවේ ඉන්දීය තානාපති කාර්යාලයේ ආර්ථික හා වාණිජ දෙපාර්තමේන්තුවේ ප්රධානියා පවසා ඇත්තේ.
මේ අතර ඉන්දීය ව්යාපාරික සන්ධානයේ සභාපති සැමී කොට්වානි පැවසුවේ මෑතකාලීනව ඉන්දියාව සහ රුසියාව අතර වෙළඳ සහ ආර්ථික සහයෝගීතාව ශීඝ්රයෙන් වර්ධනය වෙමින් පවතින බවයි.
