ඉන්දියාවෙන් ආනයනය කළ ලද බිත්තර ලක්ෂ 10ක තොගය අද නිදහස් කිරීමට හැකි බව රාජ්ය වාණිජ නීතිගත සංස්ථාව පවසනවා.
එහි සභාපති ආසිරි වලිසුන්දර මහතා පැවසුවේ එම බිත්තර සාම්පල පරීක්ෂණ වාර්තා සත්ත්ව නිෂ්පාදන හා සෞඛ්ය දෙපාර්තමේන්තුව අද ලබා දීමට නියමිත බවයි.
මේ අතර ඉදිරියේදී බිත්තර මිල අඩු කිරීමට හැකියාව ඇති බව සමස්ත ලංකා කුකුළු ව්යාපාරිකයින්ගේ සංගමය පවසනවා.
එහි සභාපති අජිත් ගුණසේකර මහතා කියා සිටියේ සත්ත්ව ආහාර සදහා අය කරන බදු ඉවත් කළහොත් බිත්තරයක් රුපියල් 06කින් අඩු කළ හැකි බවයි.
මේ අතර ඊයේ පැවති මාධ්ය හමුවකදී බේඛරි හිමියන්ගේ සංගමය ද බිත්තර මිල සම්බන්ධයෙන් අදහස් පලකළා.
එහි සභාපති එන් කේ ජයවර්ධන මහතා පැවසුවේ එක් එක් සංවිධානවල අවශ්යතාව මත බේඛරි නිෂ්පාදන මිල අඩු කළ නොහැකි බවයි.
මේ පිළිබද සමස්ත ලංකා ආපනශාලා හිමියන්ගේ සංගමයේ අසේල සම්පත් මහතා කියා සිටියේ මේ වසර භාණ්ඩ මිල අඩුම සිංහල හින්දු අලුත් අවුරුද්ද බවයි.
